15. De sancto Udalrico.

In 1. Vespcris.
Super Psalmos.
A. Exsultet Alemannia,
Quam ornant natalitia

Udalrici clari,
Clara cuius praeconia
Clare promit ecclesia
Ad mare de mari.

R. Mira claret caritate
Iste Dei famulus,
Et in tanta claritate

Omnis stupet oculus,
Quem digna sollemnitate
Omnis colit populus,
V. Cuius prorsus inclita
Cum virtute merita
Laudis vulgat titulus.

Ad Magnificat.
A. Flos Udalrice praesulum,
Speculator et speculum
Militantis ecclesiae,
Lux caelestis patriae,

Exora Dei filium,
Nos ut post hoc exsilium
In throno locet gloriae.

Ad Matutinam.

Invitatorium.

Regem regem adorantes
Hymnis, psalmis et canticis

Agamus festum ovantes
Udalrici pontificis.

In 1. Nocturno.
Antiphonae.

1. Fructum salutiferum
Vir Dei beatus
Apprehendit veterum
Iter imitatus.

2. Voce viva praedicat
Domini praeceptum,
In quo fore indicat
Se Deo acceptum.

3. Iesu, dulcis Domine,
Quid multiplicantur,
Qui erroris fulmine
Hunc calumniantur?

Responsoria.

1. Isaac eximia

Nato surgunt gaudia,

Lactantur amici ;
Amici ecclesiae
Gaudent ortu hodie
Sancti Udalrici,
V. Cuius quidem inclitis
Conteruntur meritis
Omnes inimici.

2. Udalricus dulcibus
Theoriae fructibus

Se totum replebat,
Amoris dum passibus
Scalam Iacob partibus
In summis tangebat;
V. Donis pro caelestibus
Omnia pauperibus
Sua porrigebat.

3. Rachelis amplexibus
Iste dulcioribus

Cupiens potiri,
Liae se laboribus
Saepe gravioribus

Sensit impediri.
V. In die fidelibus

Cum Martha laborat,
Cum Maria noctibus

Legit, psallit, orat.

In 2. Nocturno.

Antiphonae.

1. In spe singulariter
Iste constitutus
In bono stat firmiter
A Deo adiutus.

2. Verba huius percipis,
O Deus deorum,
Ipsum quando suscipis
In sortem sanctorum.

3. Honore et gloria
Eum coronavit,
Plurima quem gratia
Dominus ditavit.

Responsoria.

1. Christum quasi sapieus
Architectus iaciens

Sibi fundamentum,
Super quo fideliter
Fundat gemmas pariter,
Aurum et argentum ;
V. Udalrico iugiter
Fuit et feliciter
Christus alimentum.

2. Mare rubrum libere
Siccato itinere

Transeunt Hebraei,
Udalricus fluidam
Aquam ceu per aridam
Transit ductu Dei;
V. Iubet, haec ut visio
Claudatur silentio,
Pater niagnae spei.

3. Hic fugit et conditur
Ut Iesus, cum quaeritur

A turbis ad regem,
Ne surgat in praesulem,
Fugam rapit exsulem
Iesu sequens legem ;
V. Udalricus humilis
Dammae miti similis
Christi ornat gregem.

In 3. Nocturno.

Antiphonae.

1. Domine, quis habitat
In tua taberna?
Iste, quem nobilitat
Caritas fraterna.

2. Cordis desiderium
Tributum est ei
De munificentia
Miserentis Dei.

3. Accepit a Domino
Benedictionem
Intrans sine termino
Caeli mansionem.

Responsoria.

1. Non in terrae gremio
Texit nec sudario

Creditum talentum,
Sed hoc sparsit largiter,
Domino utiliter

Lucra ferens centum;
V. Sic Euge dominicum
Audivit et caelicum
Intravit conventum.

2. Praesulis officium,
Curarum negotium
Extra peragebat,
Non tamen claustralium
Devotorum studium
Intus deserebat,
V. Sed pro Dei populi
Causa curae saeculi
Totum impendebat.

3. Ad cubandi requiem
Non plumae mollitiem

Antistes quaerebat
Et concupiscentiam
Carnis per duritiam
Sagorum frangebat,
V. Ut Helias sobriam
Semper alimoniam
Praesul requirebat.

In Laudibus.
Antiphonae.
1. Udalricus omnia

Sprevit mundo grata,
Cui nunc in gloria
Sedes est parata.

2. In conspectu Domini
Gaudens introivit,
Eius quia nomini
Laetanter servivit.

3. Sanctus praesul vigilat
De luce ad Deum,
Satanas cum sibilat
Callidus in eum.

4. Sacerdos hic Domini
Deo benedixit,
Strenue temptamini
Quia contradixit.

5. Laudavit in tympano
Pontifex fidelis
Et chordis et organo
Dominum de caelis.

Ad Benedictus.

A. In mortis caligine
Visitasti, Domine,

Nos per mortem crucis,
O Iesu, fons lucis,
Udalrici inclitis
Precibus et meritis
Omne contra noxium
Vivax patrocinium
Dans nobis caducis.

Per Horas.

Ad Primam.

A. Primum iste quaesiit
Praesul regnum Dei,
Laetus ergo subiit
Regnum requiei.

Ad Tertiam.

A. Hora datus tertia
Spiritus in igne
Honore et gloria
Replet istum digne.

Ad Sextam.

A. Pro misericordiae
Studiis amicus
Fit auctoris gratiac
Praesul Udalricus.

Ad Nonam.

A. Iste quia floruit

In bonis, ad nonum
Sublimari meruit
Angelorum thronum.

In 2. Vesperis.

Antiphonae.

1. Sedeat hic pontifex
Ut ad dextram Dei,
Omnis boni artifex,
Deus dedit ei.

2. Populo dominico
Domini virtutem
Verbo evangelico
Pandit ad salutem.

3. Beatus hic meruit
Dominantem caeli,

Cuius iussis paruit
Opere fideli.

4. Hostiam sacrificat
Udalricus laudis,
Quem faex non vilificat
Sataninae fraudis.

5. Sacerdotem induit
Istum salutari
Deus, qui nos voluit
Per hunc exemplari.

Ad Magnificat.

A. O decus ecclesiae,
O pastor egregie,
O Dei amice,
Felix Udalrice,
Cuncta cordis impia
Nostri tua expia
Prece subventrice.