Sermo XIV .

Item, sermo fratris Bonaventnrae coram populo Lugduni in ecclesia sancti Nicetii.

Dilectus Deo et hominibus, cuius memoria in benedictione est. Similem illum fecit in gloria Sanctorum, Ecclesiastici quadragesimo quinto .

(Prothema). Speculanti mihi, quomodo dilectus Dei Apostolus et Evangelista electus, beatus Ioannes, fuit in universali Ecclesia et in toto orbe sicut litium vernans , ratione virginitatis integerrimae quantum ad subiectum: rosa coruscans, ratione caritatis ardentissimae quantum ad affectum: aurora rutilans,

ratione claritatis serenissimae quantum ad intellectum: areola aromaticum, ratione sanctitatis celeberrimae quantum ad convicium; videtur, quod eius memoria sit omnibus nobis veneranda devote, commendanda magnifice , contemplanda attente, imitanda pro posse. Et ideo in principio sermouis de eo invocabimus Dominum Iesum, qui ipsius animam semper illuminavit et recreavit, ut ipse hodie nos illuminet et delectet meritis suae Matris, quibus mediantibus, possimus de isto sacro et sancto Evangelista suo aliquid dicere etc. Dilectus Deo etc.

In verbis his Sapiens aeternae lucis radio perlustratus describit beatum Ioannem tripliciter, scilicet ut universaliter acceptatum propter signa sancta, quae dedit; propter quae dicitur: Dilectus Deo et hominibus: ut universaliter commendatum propter exempla digna, quae reliquit: propter quae dicitur: cuius memoria in benedictione est: ut universaliter clarificatum propter miranda multa, quae fecit; propter quae dicitur: similem illum fecit in gloria Sanctorum.

- I. Fuit autem beatus Ioannes dilectus a Christo specialiter propter illa signa, quae dabat, scilicet propter minoris aetatis suffragium: Osee undecimo : Puer Israel, et dilexi eum, supple: propter hoc flexus ad eum.

Propter ingenitae mansuetudinis aspectum: Ioannis decimo tertio: Erat recumbens unus ex discipulis eius in sinu Iesu, quem diligebat Iesus, propter ingenilae mansuetudinis signaculum.

Propter intemeratae virginitatis speculum: secundi Regum primo: Sicut mater unicum amat filium suum, ita ego te diligebam, hoc est eadem castitate et immaculata affectione.

Propter religiosae maturitatis exemplum: Marci decimo : Iesus autem, intuitus eum, dilexit eum, scilicet Ioannem, propter causam praedictam.

Propter magnae probitatis indicium: secundi Regum duodecimo: Vocavit nomen eius: Amabilis Domino, eo quod diligeret eum Dominus, Ioannem scilicet, propter probitatis magnae indicium.

Propter mirandae innocentiae cultum: Malachiae primo: Dilexi Iacob, Esau autem odio habui; Iacob, Ioannes, in quo est omnis gratia habitans (?) - Propter perfectae arduitatis aggressum in adolescentiae ipsius flore; Ioannis ultimo : Petrus vidit illum discipulum, quem diligebat Iesus, sequentem: Hieronymus: (Diligebat autem eum Iesus, quoniam specialis praerogativa castitatis ampliori dilectione fecerat dignum, quia virgo electus ab eo virgo in aevum permansit".

Propter continuae pietatis sive devotionis usum: Ioannis decimo quarto : Et ego diligam eum et manifestabo ei me ipsum. Bernardus: " Manifestum signum dilectionis Dei est devotionis caelestis usus ".

Propter sedulae caritatis exercitium sive studium ; Ecclesiastici quadragesimo sexto : Dilectus a Domino Deo suo Samuel, propheta Domini. Gregorius: " Deus maxime diligit exercentes se in studio caritatis et amoris ipsius".

II. Exempla vero, quae beatus Ioannes mundo edidit, propter quae memoria eius est in benedictione, sunt baec, scilicet universalis animi simplicitas sive sinceritas in intentione: universalis humilitas in reputatione et repraesentatione: universalis castitas in mente et in corpore; universalis pietas in devotione et compassione: universalis caritas in affectione et ostensione; universalis sanctitas in conversatione et repraesentatione ; universalis veritas in praedicalione et actione; universalis tranquillitasin corde et facie: universalis suavitas in contemplatione et meditatione.

III. Clarificatus autem fuit beatus Ioannes dupliciter, scilicet in privilegiis et in miraculis.

Privilegia vero sua sunt haec: nam septemdecim annorum factus fuit Apostolus: natus enim fuerat decimo quarto anno post nativitatem Christi: virgo integerrimus est a Deo conservatus: potiore dulcedine internae unctionis conlinentiae fuit superfusus, quia a carnali voluptate in nuptiis voluntarie fuit retractus, secundum Hieronymum ; ideo postea et Christi odorem semper in se specialiter fragrare sensit: ab ipso Domino Iesu familiarius fuit dilectus: ad suscitationem puellae, Marci quinto , et in transfiguratione, Matthaei decimo septimo, et in tormento (?) passionis, Matthaei vigesimo sexto, fuit familiarius et specialiter assumtus et electus: super pectus Domini in coena recubuit : dum coenaret Dominus, ei revelavit proditorem, tanquam ei qui amplius affligebatur et cui magis compatiebatur; de cruce " Matrem suam virginem ei virgini commendavit "; tripliciter doctrinae gratia exstitit sublimatus: namfecit Evangelium, Apocalypsim et Epistolas : in ferventis olei dolium missus illaesus exivit: sine tormento vel dolore de mundo divina ordinatione migravit ; pro eo in morte Dominus personaliter cum Apostolis venit: ut pie creditur, in corpore Dominus eum glorificavit : de sepulcro eius manna scaturivit ; in hora mortis locum sepulcri lux maxima de caelo occupavit et sic defunctum rapuit.

Miracula autem, quibus beatus Ioannes floruit, quibus factus est similis gloriosis et magnificis Sanctis sunt haec: nam in vita suscitavit viduam Drusianam coram omni populo; suscitavit filium unius viduae defunctum coram omni populo: suscitavit duos iuvenes mortuos de veneno coram omni populo ; bibit venenum et nullam laesionem incurrit coram omni populo; templum Dianae Ephesorum et imaginem eius penitus comminuit: mutavit in aurum silvestres frondium virgas littoreaque saxa in gemmas: gemmarum fragmenta in propriam reformavit naturam: philosophos cum discipulis et familiis ad Christum convertit et baptizavit, qui ei in vita sua ecclesiam eius nomine construxerunt . Similiter totam Asiam convertit et eis ecclesias et episcopos ordinavit : regi Eduardo Angliae, a quo in specie peregrini eleemosynam anulum accepit, tanquam suo devota de ultra mare per militem suum remisit: invenem pulcrum et ferocem convertit et cuidam episcopo commendavit, quem requirens inter latrones, reduxit et perfectum factum episcopum ordinavit: haeresiarcham Cerinthum cum suis mirabiliter confutavit , quem etiam apud balneas inveniens sive supervenientem videns, dixit: " Fugiamus hinc, ne et balneae ipsae corrumpant nos, in quibus lavatur vel lavari vult Cerinthus, veritatis inimicus ", Glossa super secundam Ioannis: locum, in quo scripsit Evangelium, a ventis et pluviis contntavit oratione, ab hora, qua incepit, usque hodie etc.