4. De sancto Bartholomaeo.

la. Bartbolomaeus sacratus,
Mundo carus, Deo gratus,
Vexillo crucis armatus
Indiam ingreditur,

1b. Ubi magnis et minutis
Doctrinam sparsit salutis
Viam edocens virtutis,
Error omnis solvitur.

2 a. Praedicantis quidem more
Divino perfusus rore
Exemplis, ope et ore
Dei laudes loquitur.

2 b. Hortatur, ut Christo regi
Iungantur suoque gregi ;
Statim parent eius legi,
Satanas obruitur.

3 a. Ob hoc sanctus fustigatur
Et vivus excoriatur,
Dire cruci conclavatur
Capiteque plectitur.

3 b. Huius prece ut, benigne
Iesu, salves nos ab igne
Orci, vere tibi digne
Laus novella promitur.