6. De sancto Colomanno

1 a. Laetabundus

Fidelis in caelis coetus
Iucundetur,

1b. Totus mundus

Volenter decenter laetus
Moduletur

2 a. Cbolomanni variam
Pugnam et victoriam
Gaudiosam.

2 b. Qui relinquens Scotiam
Casu venit Austriam
Fructuosam.

3 a. Explorator creditur,
Flagris diris caeditur
Christi miles,

3 b. Serram addunt cruribus
Cum tormentis pluribus
Hostes viles.

4 a. Suffocatus resteo
Cholomannus laqueo,
Viret restis.

4 b. Nullo nocens vitio
Finitur suspendio
Dei testis.

5 a. Multandus obticuit,
Innocens occubuit,
Suum non aperuit
Os ut agnus.

5 b. Coherens constantiae
Non cedit iniuriae,
Domum subit gloriae
Martyr magnus.

6 a. Princeps pacis, Iesu,
Libera ab esu
Infernalis
nos tyranni,

6 b. Et ad sabbatorum
Sabbatum polorum
Prece perduc
Cholomanni.