7. De sancta Dorothea.

la. Stetit, Iesu, pro te, bone,
Dorothea in agone,
Spe mercedis et coronae
Ad mortem oboediens.

1b. Vomit in hanc praeses diras

Durarum minarum virus,

Risus ipsam comit mirus

Illum plus deiciens.

2 a. Sponsum suum, suae mentis
Lumen, Iesum in tormentis
Laudum colit incrementis
Sitiens martyrium.

2 b. Mortis ridet in tortura,
Caelos ardet mente pura,
Nulla mundi sibi cura,
Horrens hoc exsilium.

3 a. Dorothea, decollata

Ad polorum migrans prata
Lilia cum rosis grata
Colligis cum gaudio.

3 b. Nos ad tantum duc solamen
Tuum felix per iuvamen,
Tecum ut psallamus Amen
Cordis cum tripudio.