Congregatio de Causis Sanctorum 485

MINORICENSIS

Beatificationis seu Declarationis Martyrii Servi Dei Ioannis Huguet y Cardona,

Sacerdotis dioecesani ({ 1936)

DECRETUM SUPER MARTYRIO

«Noli itaque erubescere testimonium Domini nostri [...], sed collabora

evangelio secundum virtutem Dei » (2 Tm 1, 8).

Hac Beati Pauli Apostoli adhortatione cum brevis vita, tum atrox exitus

Ioannis Huguet y Cardona, Servi Dei, sacerdotis dioecesani, summatim

et efficaciter adumbrantur. Etenim hic fortiter ac firmiter suam fidem

summamque caritatem in Dominum, usque ad sanguinis effusionem, testifi-

catus est.

Hic Dei Servus in pago Alayor, in insula Minorica, die 28 mensis Ianuarii,

anno 1913, natus est. Qui, undecim annorum puer, cum sese divinitus,

quibusdam indiciis probantibus, ad sacerdotium vocari animadvertisset, in

Seminarium Minoricensis dioeceseos admissus est. Studiis absolutis, cum sui

ivipagum, quem Ferrerı́as vulgo Hispani appellant, anno 1933, negotii causa

immigrassent, tanta alacritate et cura ad opera paroeciae ibidem contulit

Ioannes, ut plausus ei maximi ab incolis impertirentur; quorum sibi existi-

mationem conciliavit et benevolentiam. Die vero 6 mensis Iunii, anno 1936,

cum idem ad sacros ordines promoveretur, Exc.mus P. D.nus Emmanuel

Irurita, Barcinonensis Archiepiscopus, qui sacris praefuit (hic pariter, exar-

descente bello civili, morte violenta periturus erat), sermonem ad populum

habens, mortem ac sacrificium sacerdotes amplecti divino quasi instinctu

afflatuque commonuit. Die denique 21 mensis Iunii, eodem anno 1936, in

paroecia pagi Ferrerı́as, Servus Dei primum sacrum piissime celebravit.

At eodem anno, concertationibus tempore comitiorum coortis, Minoricae

quoque, haud secus ac in reliqua Hispania, civium omnium inter se conflic-

tatio tam celeriter lateque increbruit, ut in tumultus, operistitia, contentio-

nes denique effunderetur. Interea adversus Catholicam Ecclesiam hostilia,

quae ceterum iam antea facta erant, increpuere: sacella, pia instituta deleri;

ludi, quibus religiosi viri praeessent, claudi. Sed pro tali tantaque discordia

operam dedit Minoricensis Ecclesia ad pacem inter cives conciliandam. Die

autem 20 mensis Iulii, anno 1936, rebus publicis in insula eversis, unus ex

auctoribus seditionis factus est militaris gubernator civitatis. Reliquis