Acta Apostolicae Sedis - Commentarium Officiale500

ter Opus a Sancta Dorothea pro puellis et Opus a Sancto Rapahaële pro

pueris suscitavit, rexit et sustinuit, quae expletis praedicationibus constitue-

bat, donec Venetiis, anno 1838, Congregationem Sororum Magistarum a

Sancta Dorothea fundavit. Venerabilis Servus Dei etiam condicionibus ordi-

num infimorum studuit extollendis, pro quibus Calcineate prope Bergomum

Sorores Tertii Ordinis Sanctae Dorotheae instituit, postea vulgo « Sorores

Agricolas » nuncupatas. Usque ad ultimum apostolico labori summopere

devinctus, Venetiis die 18 mensis Aprilis anno 1866 pie in Domino quievit.

Summus Pontifex Benedictus XVI die 6 mensis Iulii anno 2007 decrevit

eum virtutes theologales, cardinales iisque adnexas in modum heroum

coluisse.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem Sororis Brunae

Mariae Ghidelli, quae pergravi carcinomate cystico correpta est. Die 16

mensis Iunii anno 1970, Soror Bruna Maria, quae iam fere sex menses dolo-

ribus in abdomine differebatur, in valetudinario « Fatebenefratelli » Venetia-

rum summa urgentia recepta est et, sequenti die 24 eiusdem mensis, chirur-

gicae sectioni commissa, e qua tumoris constitit praesentia, qui, turgore in

medicorum opere discisso, partim tantum resectus est. Examen dein texturae

exhaustae diagnosim corroboravit et, cum aegrota valetudinis graviter infir-

mae causa pharmacorum curas perferre nequiret, prognosi dicta infausta

doloribusque in abdomine persistentibus, die 20 mensis Iulii, ex valetudinario

dimissa est.

Gravibus adiunctis perpensis, Sorores Instituti, alumni Sororum a Sancta

Dorothea et familia infirmae ad divinum confugere statuerunt auxilium per

Venerabilis Servi Dei intercessionem, eiusdem valetudinis sanationem fideli-

ter impetrantes. Die 29 mensis Augusti, semihora post duodecimam, Soror

Bruna Maria quasi virium improvisa collapsione cum permiro atque inusitato

sensu inanitatis corporis excepta est, cui statim repentina et completa

omnium dolorum amissio successit. In recognitione die 23 mensis Ianuarii

anno 1971 habita, medici tumorem omnino excessisse perspexerunt.

Continuatio temporis clarissime patuit, sicut et nexus inter invocationem

Servi Dei et completam Sororis Brunae Mariae sanationem, quae exinde

perfectam corporis et animae praestantiam resumpsit normalesque posthac

vitae consuetudines gerere valuit.

De hac mira habita sanatione apud Curiam Patriarchalem Venetiarum a

die 7 mensis Aprilis ad diem 13 mensis Iunii anno 2009 Inquisitio dioecesana