Congregatio de Causis Sanctorum 515

obire auderent, quod modus est operandi ab evangelicis praeceptis prorsus

disiunctus et in odium fidei manifeste gerens. Apud summa, igitur, improbo-

rum conspiratorum plebis illius capita pervicax quoddam Servi Dei fastidium

informatum est, in dies metu, minis et vulneribus elatum, quod propere in

sententiam capitis et necem transiit. Nihilominus, Servus Dei sibi conscius

bonum pastorem dare vitam pro grege, licet deterritus, operam Evangelii

nuntiandi societatisque provehendae perseveravit, quamquam discrimen

mortis plane percipiebat instans. Grassante metu, viam tamen parciloquii

ac verecundiae selegit, ne fideles quoquo modo implicaret.

Ad vesperam diei 15 mensis Septembris anno 1993, quinquagesimi ac

sexti eius natalis, dum domum redibat, viri duo armati, factionis cuiusdam

improborum pretio conducti, eum opperiebantur, quorum alter cervici ma-

nuballistulam subiecit. At Servus Dei carnifici suo adridens effatus est illud:

« Exspectabam », quod, in limine mortis effusum, liberam suam et consciam

acceptionem caedis, propositum summae suipsius oblationis Domino et

Ecclesiae usque ad supremum sacrificium atque sollicitudinem gratiae

asseverat. Homicidium illud vere actum contra fidem fuit, cum consilium

Iosephum presbyterum perimendi Spiritui revera adversaretur, qui ad pecu-

liare genus illud actuositatis pastoralis eum excitabat.

Ob martyrii Servi Dei famam, quae apud communitatem ecclesialem

christifidelium admodum crebruit, apud Curiam Archiepiscopalem Panormi-

tanam, a die 15 mensis Septembris anno 1999 ad diem 6 mensis Maii anno

2001, Processus beatificationis initus est per celebrationem Inquisitionis

dioecesanae, cuius auctoritas et vis iuridica ab hac Congregatione de Causis

Sanctorum Decreto diei 16 mensis Ianuarii anno 2004 probatae sunt. Posi-

tione confecta, iuxta suetum morem, die 2 mensis Maii anno 2006, Congressus

Peculiaris Consultorum Theologorum factus est, quem supplemento inquisi-

tionis efflagitato, alius secutus est, die 10 mensis Octobris anno 2006 habitus,

in quo prospero cum exitu disceptatum est an Servi Dei mors verum marty-

rium fuisse. Patres Cardinales et Episcopi in Sessione Ordinaria die 12 mensis

Decembris anno 2006 habita, primum convenerunt ac dein, die 5 mensis Iunii

anno 2012, in altera Sessione, cui egomet ipse, Angelus Cardinalis Amato

praefui, et, audita relatione Excellentissimi ac Reverendissimi Domini

Ioannis Pauli Benotto, Archiepiscopi Pisani, Causae Ponentis, agnoverunt

Servum Dei Iosephum Puglisi ob fidelitatem erga Christum et Ecclesiam

confessam verum in odium fidei martyrium passum esse.