Acta Apostolicae Sedis - Commentarium Officiale506

KOTTARENSIS

Beatificationis seu Declarationis Martyrii Servi Dei Lazari seu vulgo Devasahayam

Pillai, Christifidelis laici ({ 1752)

DECRETUM SUPER MARTYRIO

« Et illi quidem ibant gaudentes a conspectu concilii, quoniam digni habiti

sunt pro nomine Iesu contumeliam pati; et omni die in templo et circa domos

non cessabant docentes et evangelizantes Christum Iesum » (Act 5, 41-42).

Verba haec de gaudio in tormentis, quae Apostoli pro amore evangelii

indefessoque eiusdem nuntii ardore passi sunt, in vita et operibus Servi Dei

Lazari seu vulgo Devasahayam Pillai, christifidelis laici uxorati et membri

Ecclesiae catholicae Ritus latini, plene consummata sunt.

Servus Dei anno 1712 in civitate Nattalam, nunc intra fines provinciae

Kanyakumarensis sub dicione Tamil Nadu in India est ortus. Qui vero e

sociali genere fuit vulgo «nair » nuncupato, e coetu scilicet optimatum brach-

manis valde propinquo: « Pillai » enim, cui nomen erat, quo populus hunc

eminentissimae publicae dignitatis ordinem designabat. Liberalibus animo

moribusque rite enutritus, humano cultu suipsius coetui pari aptissime insti-

tutus, cursum honorum in militia inivit atque in templo inserviit et uti

castrensis apud regium aerarium exercuit. Uxorem, deinde, duxit puellam

Bhargaviammal, quae eiusdem ordinis erat optimatum.

Tristia ob facinora quaedam praecipuis opium acceptis detrimentis, Ser-

vus Dei angustias suas ferventi cuidam catholico Danico natione, Eustachio

Benedicto de Lannoy, concredidit, qui sub rege Marthandavarna stipendium

tunc temporis merebat. Cuius verba Sacrae Scripturae sapientia christianae-

que mysteriorum fidei doctrina imbuta adeo ei suaderunt, ut studium sacra-

mentum baptismatis recipiendi summopere in eo flagraret. Ad fontem rege-

nerationis ductus, Servus Dei nomen «Devasahayam » sibi imposuit quod

vulgari Tamulico sermone pro biblica voce « Lazarus » valet et interpretatur

« a Deo coadiuvatus ».

In catholicam communitatem ingressus, Devasahayam Pillai ad fidem

christianam alios instituere incepit, aliquorum, inter quos uxor ipsa fuit,

etiam conversionem adipiscens.

Aequalitate omnium hominum sub praeceptis Evangelii et magisterio

Apostoli radicitus fretus, discrimina generis iam non servavit et superstitio-