Congregatio pro Episcopis 537

CONGREGATIO PRO EPISCOPIS

CAMETANENSIS

De elevatione praelaturae ad gradum dioecesis

DECRETUM

Solet Sancta Sedes, cum rerum adiuncta id suadeant, in Ditionum terri-

toriis in quibus communitates christifidelium iam existunt, praelaturas

pro tempore condere earumque regimen Pastoribus Praelatis, etiam cum

dignitate episcopali committere, ut ipsi in iisdem pastorales structuras insti-

tuant ac perficiant donec praelaturae ad illam vitae religiosae stabilitatem ac

firmitatem quae par sit dioecesi, perveniant.

Cum praelatura Cametanensis, his postremis temporibus, catholicorum

numero operibusque religiosis ac civilibus haud modicum ceperit incremen-

tum, foederatarum Ecclesiarum auxiliis necnon laudabili missionariorum

operae tribuendum, Exc.mus Iesus Maria Cizaurre Berdonces, O.A.R.,

Episcopus Praelatus eiusdem praelaturae, audita Conferentia Nationali

Episcoporum Brasiliensium, ab Apostolica Sede enixe postulavit ut haec

Ecclesia praelaticia ad gradum et dignitatem dioecesis eveheretur.

Summus Pontifex Benedictus, Divina Providentia, PP. XVI, praehabito

favorabili voto Exc.mi P.D. Ioannis d'Aniello, Archiepiscopi titularis

Paestumensis et in Brasilia Apostolici Nuntii, de consilio Congregationis

pro Episcopis, preces ad Se admotas animarum saluti valde profuturas

censuit benigneque excipiendas decrevit.

Quapropter, de plenitudine apostolicae potestatis, memoratam praelatu-

ram ad gradum et dignitatem dioecesis elevat ac constituit, servatis iisdem

finibus quibus nunc ipsa terminatur.