Acta Apostolicae Sedis - Commentarium Officiale482

ACTA BENEDICTI PP. XVI

ACTA CONGREGATIONUM

CONGREGATIO DE CAUSIS SANCTORUM

CAMPANIENSIS IN BRASILIA

Beatificationis et Canonizationis Ven. Servae Dei Franciscae De Paula De Jesus,

v. d. Nhá Chica, Christifidelis Laicae (1808-1895)

DECRETUM SUPER MIRACULO

Venerabilis Serva Dei Francisca de Paula De Jesus, vulgo Nhá Chica seu

amita Francisca nuncupata, anno 1808 in civitate Ioannopoli Regia sub

dicione Minarum Generalium in Brasilia nata est. Filia naturalis mulieris

servilis condicionis, ad regenerationis fontem ducta nomen sumpsit sancti

Francisci de Paula. Adhuc puella una cum matre et fratre Theotonio in locum

Baependi migravit, ubi dein totam vitam degit. A matre orationes et devo-

tam pietatem didicit, sed omni scholari institutione caruit: summum ergo

studium ei fuit Sacrarum Scripturarum audire lectionem. Iuvenili aetate

pauperes iamdiu valde fovebat suisque insuper consiliis omnes, qui eam quae-

rebant, extollebat. Solantibus verbis utebatur erga omnes, quibus iugiter

pollicebatur precem. Matre orbata cum undecimum modo agebat aetatis

annum, a fratre, e vita anno 1862 functo, Venerabilis Serva Dei universae

rei familiaris designata est heres, quod caritatis dilatandae ei praebuit facul-

tatem et sacelli Deo in honorem beatae Mariae Virginis a Conceptione dicati