Congregatio de Causis Sanctorum 495

nesque universas in benedictionem Dominus reformaret. In caritate Dei

quemcumque oppeteret excipiebat, quos omnes etiam more familiari gratuito

confirmabat et adiuvabat. Plurium fuit consiliatrix et auxilium in angustiis.

Proficiente, non autem omnino redintegrata, valetudine, Serva Dei indi-

gentissimis peculiariter attendit. Oppressio, interdum, nazistarum regiminis

Ecclesiae catholicae et Consociationibus religiosis infensi adeo gliscebat, ut

anno 1941 efferatae eiusdem occultae vigiliae Fundatorem ipsum arripuerunt

et in campum detentionis Dachaviae coniecerunt, unde tantum anno 1945

rediit. Iniurosa, itaque, vis ac alterius totius mundi belli eventa acerbis

Servam Dei dilaceraverunt tormentis, sed plene simul divinae Providentiae

confidendi fecerunt copiam.

Mense Martio anno 1946, exstructio et moderatio unius ex primis Provin-

ciis Instituti ei commissa est, cui eloquens Providentiae dedit nomen. Post

sexennium laboris, Deus discessum ab omnibus eam poposcit: spinae cratis

deformatio, quam superior chirurgica sectio pulmonum indiderat, paralisi

pedetemptim ingravescente eam laesit. Nec vero ullo pepercit cruciatui:

ad perennem inertiam super sede cum rotis pro infirmis coacta, tantum

litteris cogitationes suas mandare potuit. Patienter, tamen, et heroica cum

praestantia infandos infirmitatis dolores et inhabilitatem suam diem de die

cumulatam toleravit, pro certo habens quod, sicut ipsa iactabat, «Deus

aliquid melius nobis servat, nisi petitiones nostras solacii iam adimplet ». In

plenitudine, ergo, conscientiae ad Patrem caelestem repetendum se compa-

ravit et die 20 mensis Novembris anno 1955 pie spiritum reddidit Domino.

Verba Sacrae Scripturae ipsi placita consummata sunt: facta sane erat,

enim, granum frumenti illud, quod cadens in terram multum fructum affert

(cf. Io 12, 24).

Ob eius sanctitatis famam, Causa Beatificationis et Canonizationis apud

Curiam Episcopalem Trevirensem inita est per celebrationem Inquisitionis

dioecesanae a die 12 mensis Octobris anno 1999 ad diem 26 mensis Februarii

anno 2002, cuius auctoritas et vis iuridica a Congregatione de Causis Sancto-

rum die 13 mensis Decembris anno 2002 probatae sunt. Positione confecta,

die 6 mensis Maii anno 2011 prospero cum exitu habitus est Congressus

Peculiaris Consultorum Theologorum. Patres Cardinales et Episcopi in

Sessione Ordinaria, quam ego, Card. Angelus Amato, praesedi die 17 mensis

Ianuarii anno 2012, audita relatione Eminentissimi ac Reverendissimi Domi-

ni Card. Iosephi Cordes, Causae Ponentis, professi sunt Servam Dei virtutes

theologales, cardinales iisque adnexas in modum heroum exercuisse.