Congregatio de Causis Sanctorum 531

insuper, actuositatis pastoralis pro bono societatis curae dedit impetum,

praesertim molestissimas inter fabricas infensasque officinas.

Die 1 mensis Iulii anno 1969, Archiepiscopus Valentinus electus, tantae

huius metropolitanae sedis fuit pastor usque ad diem 27 mensis Maii anno

1978, admodum autem ultimis annis devolutis laboribus, cum gravis throm-

bosis in cerebro anno 1974 eum corripuisset. Litteris dimissoriis provectae

aetatis necnon infirmae valetudinis causa productis, Servus Dei Matritum

apud Domum Generalem Sororum Oblatarum secessit et, licet senium corpo-

ris valde procederet, Servus Dei, tamen, qui morbos suos fidentissimo et

aequo vultu susceperat, omnino Deo eiusque voluntati se commisit et his

quoque in adiunctis valetudinis numquam cessavit ministerium exercere

operi praedicationis in recessibus spiritualibus atque curae et sollicitudinis

sacerdotum omni studio attendens.

Anno 1983, infirmitas adeo processit, ut ad perennem inertiam super sede

rotali pro infirmis cogeretur et, sequenti anno, etiam omnem facultatem

loquendi amitteret. Die 25 mensis Aprilis anno 1988, in anniversario funda-

tionis Congregationis Oblatarum, Servus Dei ultimam Missam celebrare

valuit et, die 14 proximi mensis Iulii, Matriti pie in Domino quievit.

Ob eius sanctitatis famam Causa Beatificationis et Canonizationis apud

Curiam Archiepiscopalem Matritensem inita est per celebrationem Inquisi-

tionis dioecesanae, quae instructa est die 11 mensis Octobris anno 1995 ad

diem 22 mensis Septembris anno 2000, necnon plurium Inquisitionum Roga-

torialium, scilicet: apud Curiam Episcopalem Onubensem a die 15 mensis

Ianuarii anno 1997 ad diem 1 mensis Decembris anno 1999, apud Curiam

Archiepiscopalem Valentinam a die 8 mensis Septembris anno 1997 ad diem

19 mensis Septembris anno 2000, apud Curiam Episcopalem Giennensem a

die 6 mensis Aprilis anno 1998 ad diem 8 mensis Aprilis anno 1999, apud

Curias Toletanam, Legionensem et Victoriensem anno 1997 et apud Curiam

Episcopaiem Mindoniensem-Ferrolensem; quarum omnium auctoritas et vis

iuridica a Congregatione de Causis Sanctorum die 25 mensis Ianuarii anno

2002 probatae sunt. Positione confecta, die 1 mensis Octobris anno 2010, in

Congressu Peculiari Consultorum Theologorum prospero cum exitu discepta-

tum est, iuxta consuetudinem, an Servus Dei more heroum virtutes Christia-

nas exercuisset. Patres Cardinales et Episcopi in Sessione Ordinaria diei 5

mensis Aprilis anno 2011, cui egomet ipse Angelus Cardinalis Amato praefui,

audita relatione Eminentissimi ac Reverendissimi Domini Antonii Cardinalis