Congregatio de Causis Sanctorum 489

anno 1924 emisit et presbyteratu anno 1932 auctus est. In domo Servi Dei

Sebastiani comprehensus, post improbam interrogationem per insidias, cum

sacerdos esset, interfectus est.

2. Sebastianus Llorens Telarroja, qui, Torderae prope Barcinonem die

2 mensis Decembris anno 1909 natus, in studiosorum Actionis Catholicae

circulos accessit et paulo ante mortem magno cum discrimine vitae imago

Beatissimae Virginis del Vilar, oppidi Blanes patronae, a scelere reduxit.

II. Barcinone. Primitia victimarum, quae in Seminario Sacrae Familiae

Barcinonensi degebat, mactata est in viis urbis die 9 mensis Augusti anno

1936, scilicet:

3. Pater Narcissus Sitjà Basté, qui, in vico Sant Andreu de Palomar prope

Barcinonem die 1 mensis Novembris anno 1867 natus, professionem religio-

sam anno 1883 emisit et, presbyteratu anno 1891 auctus, in domo familiari

comprehensus, carnifices ignoscens occubuit.

III. Illerdae. Die 21 mensis Augusti anno 1936, coemeterium huius civi-

tatis theatrum fuit duarum novarum victimarum, quae in Collegio Sancti

Ioseph Trempensi degebant, scilicet:

4. Pater Ioannes Cuscó Oliver, qui, in vico La Granada prope Barcinonem

die 6 mensis Maii anno 1872 natus, professionem religiosam anno 1894 emisit

et anno 1899 presbyteratu auctus est. Dum Romam expetebat, in carcerem

coniectus est, dein ad coemeterium Illerdense occisus.

5. Pater Petrus Sadurni Raventós, qui, in civitate Vilanova i La Geltrù

prope Barcinonem die 22 mensis Aprilis anno 1883 natus, professionem reli-

giosam anno 1900 emisit et anno 1914 presbyteratu auctus est. Servi Dei

Ioannis Cuscó Oliver socius effectus, ante sanguinem alter alteri confessus

est.

IV. In vico Vila-rodona prope Tarraconem. Die 25 mensis Augusti anno

1936, hic alii quattuor Servi Dei, qui in Collegio Sancti Petri Apostoli

Reusensi degebant, interempti sunt, scilicet:

6. Pater Firminus Martorell Vies, qui, in vico Margalef prope Tarraconem

die 3 mensis Novembris anno 1879 natus, professionem religiosam anno 1900

emisit et, anno 1905 presbyteratu auctus, cum sese sacerdotem protestaretur,

in navim Rı́o Segre coniectus, exinde enecatus est.