Acta Apostolicae Sedis - Commentarium Officiale530

militum disiecerat. His annis, Reverendus Dominus Iosephus immo depre-

hensus est atque in carceres seditionis coniectus et modo legati Reipublicae

Hispanicae Vasintoniae intercessione propere in libertatem restitutus.

Hoc tempore, insuper, Servus Dei dominam Mariam a Monte Carmelo

Hidalgo de Caviedes cognovit, quacum Institutum vitae claustralis cogitavit

ac fundandum statuit, cuius finis imitatio esset Iesu Christi per continuam

orationem et constantem oblationem pro sacerdotum sanctificatione. Opus

die 25 mensis Aprilis anno 1938 definite evenire incepit ac post duodecim

annos in Congregationem Sororum Oblatarum Christi Sacerdotis tandem

vertit.

Intra bellum Hispanicum (1936-1939) Servus Dei mandatum accepit Vi-

carii Generalis « orae - quam Matriti dicebant - rubrae » atque hoc etiam

munere fungens in componendis animis omnino enisus est ac, si quis auxilio

egeret, eidem iugiter subvenit. Anno 1939 exeunte bello, resumpta sueta

pastorali actuositate Dioecesis, Servus Dei perseveravit ministerium mode-

rationis spiritualis in Seminario maiore et attendit praedicationi exercitiorum

spiritualium ad sacerdotes et praeparationi adorationis eucharisticae noctur-

nae. Anno 1949 nominatus est visitator Institutorum vitae consecratae

Dioecesis.

Die 29 mensis Octobris anno 1950, Dominus Iosephus ad dignitatem

ordinis episcopalis evectus est et, titulo Zelitensi honestatus, Episcopus

auxiliaris necnon Vicarius Generalis Matritensis factus est. Etiam in hoc novo

ministerio summa cleri et populi Matritensis aestimatione optimoque iudicio

fruitus est, praesertim ob magnam pro sanctificatione presbyterorum sollici-

tudinem et indefessam suam apostolicam actuositatem.

Mense Iulii anno 1964, Servus Dei Episcopus Onubensis electus est et in

hac Dioecesi nuper erecta, cum anno 1953 fundata esset, navitate emicuit,

qua nulla interposita mora pretiosa Sacrosancti Concilii Oecumenici Vati-

cani II decreta, cui ipse actuosa alacrique cura interfuit, exsequenda manda-

vit. Die 16 mensis Octobris anno 1965 disputavit in Aula conciliari de officiis

sacerdotum atque de festo liturgico Iesu Christi Summi et Aeterni sacerdotis

instituendo, quod die 22 mensis Augusti anno 1973 Congregatio de Cultu

Divino approbavit in Calendarium liturgicum Hispaniae inserendum.

Cardo eius sedulitatis denuo peculiaris sollicitudo sacerdotum et Semina-

rii alumnorum eminuit, quorum perpetuae ipse institutioni, « institutorem

institutorum » praeclarum semper se exhibens, consulebat. Renovatum,