Congregatio de Causis Sanctorum 483

quoque exstruendi. Ultimos annos vitae degit in oratione, omnibus qui eam

adibant subveniens peregrinis. Omnia bona paroeciae reliquit. Magna sancti-

tatis fama circumfusa, die 14 mensis Iunii anno 1895 pie in Domino requievit.

Summus Pontifex Benedictus XVI die 14 mensis Ianuarii anno 2011

decrevit eam virtutes theologales, cardinales iisque adnexas in modum

heroum coluisse.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram Venerabilis Servae Dei Fran-

ciscae de Paula De Jesus intercessioni tributam sanationem, die 26 mensis

aprilis anno 1996 in loco Caxambu sub dicione Minarum Generalium in

Brasilia habitam, dominae Annae Luciae Meirelles Leite, cuius atria cordis

communicantia pergraviter corripuerant valetudinem. Varias post clinicas

inspectiones unum tantum morbi expedimentum chirugica sectio esse

videbatur, quae autem respirationis apparatus contagionis causa dilata est.

Cum profunda catholica fide et devota religiosa pietate de Venerabili Nhá

Chica esset informata, omnem fiduciam et spem intercessioni Servae Dei

committendas decrevit. In vigilia, igitur, medicorum examinationis proximae

ante chirurgicam sectionem sive infirma sive omnes propinqui filiique et

amici indesinentibus orationibus ad divinum confugere statuerunt auxilium

per Venerabilis Servae Dei intercessionem, ut carae aegrotae valetudinis

a Domino fideliter impetrarent sanationem. Et die statutae recognitionis

medici vitium quodvis atriorum cordis omnino excessisse infirmaeque salu-

tem repente profecisse perspexerunt, quod admodum a scientiae medicae

opinionibus alienum esse solet.

De hac mira habita sanatione apud Curiam Episcopalem Campaniensem

in Brasilia a die 7 ad diem 16 mensis Decembris anno 1998 Inquisitio dioe-

cesana habita est, cuius auctoritas et vis iuridica ab hac Congregatone de

Causis Sanctorum Decreto diei 8 mensis Octobris anno 1999 probatae sunt.

Acta dein collecta examini et iudicio Dicasterii Medicorum Collegium

subiecta sunt, quod in Sessione diei 13 mensis Octobris anno 2011 sanationem

rapidam, completam, duraturam et inexplicabilem secundum hodiernam

scientiam medicam fuisse affirmavit.

Die 18 mensis Februarii anno 2012, Congressus Peculiaris Consultorum

Theologorum prospero cum exitu factus est ac, die 5 mensis Iunii eiusdem

anni, Sessio Ordinaria Patrum Cardinalium et Episcoporum, cui egomet ipse

Angelus Cardinalis Amato praefui, Ponente Causae Eecellentissimo ac Reve-

rendissimo Domino Lino Fumagalli, Episcopo Viterbiensi, et in utroque coe-