Acta Apostolicae Sedis - Commentarium Officiale520

Servus Dei natus est die 8 mensis Maii anno 1895 in El Paso in regione

Illinoesiara in Foederatis Civitatibus Americae Septentrionalis, a parentibus

natione Hiberniis, qui modicam ferramentorum tabernam exercebant. Post

quinque annos, rei familiaris causa, ad proximam urbem Peoriensem emigra-

verunt. Illic puer ludos tam pueritiae disciplinae quam ingenuarum littera-

rum bene frequentavit.

Anno 1913 iuvenis Fultonius voluit studia exsequi et adscriptus est in

collegio S. Viatoris de Bourbonnais in Illinoesia, quod a Clericis Parochialibus

S. Viatoris regebatur. Illis annis clare sacerdotalem vocationem precipuit.

Renuntiavit annui quod studiorum causa ei praebebatur et in Seminario

Sancti Pauli in Minnesota receptus est. Expleto cursu studiorum die 20

mensis Septembris anno 1919 sacerdos ordinatus est. Anno 1920 Dominus

Fultonius baccalaureatum iuris canonici iuxta Catholicam Universitatem

Americae et sacrae theologiae adeptus est; postea etiamque in Universitate

Lovaniensi doctorem philosophiae renuntiatus est. In anno academico 1924-

1925, mandatum cursum theologiae dogmaticae peragendi iuxta institutum

Sancti Edmundi in Britannia suscepit. Die 6 mensis Iulii anno 1925 optime

examen extremum Lovanii (agrégé) ad philosophiam docendam, professoris

gradu, superavit. Professor nominatus est in Catholica Universitate Ameri-

cae, munus quod ille usque ad annum 1950 gessit. Dominus Fultonius Sheen

mense Martio anni 1930 factus est moderator in radiophonica emissione, cui

nomen erat «The Catholic Hour », quem per viginti annos rexit, obtinens brevi

tempore maximum numerum auditorum nec non singularem populi favorem,

adeo ut non pauci fuerint, qui ad catholicam fidem converterent. Hac causa

Summus Pontifex Pius XI eum Praelatum Domesticum nominavit. Ab anno

1950 ad annum 1966 ei assignaverunt regimen et curam totius Societatis

Nationis ad Fidem Propagandam, hoc munus ille, maxime fovens actionem

missionariam Ecclesiae, exercuit. Die 28 mensis Maii anno 1951 Episcopus

Auxiliaris Novi Eboraci nominatus est. Sequentibus annis, Servus Dei novo

fervore apostolatum suum per communicationis media perrexit et moderavit

programma cui nomen erat «Life is Worth Living », quod autem fere a quin-

gentis stationibus televisificis et radiophonicis emittebatur attingens circiter

tricies centena milia auditorum in hebdomada. Hoc in munere, ille summa

diligentia et cura, exponens efficaci simplicitate etiam illa fidei difficiliora,

eminebatur. Hoc magno officio anno 1952 premium maximi momenti radio-

televisificum vulgo dictum «Emmy Award » obtinuit. Istis fecundi apostolatus

annis, Servus Dei etiam in nonnulla impedimenta, difficultates ac dissensio-