Acta Apostolicae Sedis - Commentarium Officiale494

Anno 1921 in locum v. d. Schönstatt missa est, ut Congressum obiret

mulierum, quae membra erant Consociationis paucis annis ante a Servo

Dei Iosepho Kentenich institutae. Hic apud sanctuarium et ductu Fundato-

ris gratiam divinam vere irrumpentem experta est, Dei Patris misericordis

intimius collustrata imagine, quae tamquam fons porro liberationis ei exstitit

ab omnibus repositis angustiis. Illo tempore, praeter magistrae officia,

omni ope et studio acri sociali navitati pro bono pauperum, egenorum dere-

lictorumque vacavit. Consociationi, igitur, pro religiosa instauratione de

Schönstatt adhaesit, in cuius diffusionem naviter enisa est, cum mentis suae

exquisita ibidem potissimum invenisset perfecta, vocationem scilicet ad

plenam suipsius oblationem divinae voluntati, ad foedus dilectionis cum

Maria et ad mutuam caritatem in cotidianis.

Serva Dei illinc apostolatum sive in labore exercendo sive aliis in negotiis

agendis fontem et culmen suae fecit conversationis. Die 1 mensis Octobris

anno 1926, magistrae munus reliquit, ut in numerum fundatorum Commu-

nitatis Sororum Marialium de Schönstatt concederet a Reverendo Iosepho

Kentenich institutae. Exinde, Prima Adiutrix nominata et Essendiam missa

est, ut domum pro puellis aperiret, quae in crimen quoddam lapsae essent.

Ab anno 1929 mandata est, ut munere iuvenes sorores Instituti fungeretur

informandi. A quo, autem, pro Communitate operoso officio peculiariter

in re sociali et in agmine educationis tradendae obligationis iam anno 1935

eidem, peracuta pulmonum tuberculosi correptae, iam ei recedendum fuit.

Iter sanationis, quod undecim annos provexit, purificationis ei fuit tempus

secundum sequelam Christi. Per properum illud « Fiat, Pater » ad iter suum

passionis et ad sortem incertam relatum, in fidem Dei omnino se tradidit.

In spirituali sua conversatione Serva Dei pusillitatem infirmitatesque

omnes in profundioris interioris liberioris uberiorisque vitae calcar valuit

convertere. Coram Deo intimius tamquam filia universa cum sua pusillitate

et minutia vixit. Sibi autem conscia erat se amatam esse in indole tali infir-

mitatis et in erroribus ita, ut animi fortitudinem haberet ad iniquitates vitae

laeto et aequo vultu patiendas usque ad plenam praepediti sui corporis

immobilitatem, quasi Deus in serium convertisset quae ipsa in iuvenili conse-

cratione sua desponderat, suipsius scilicet oblationem omniumque pro mundi

sanctificatione vexationum acceptionem. Participatio Sacramentorum,

praesertim sancti sacrificii Missae, et adoratio Sanctissimi constantissimum

eius animae fuerunt nutrimentum, necnon Beatissima Maria Virgo speculum,

in cuius foedere dilectionis Serva Dei firmam coluit spem, ut labores passio-