Acta Apostolicae Sedis - Commentarium Officiale518

seos, die 6 mensis Maii, anno 1890, natus est; postridie vero sacro fonte

lustratus est. Perpetuis votis die 7 mensis Novembris, anno 1909, nuncupatis,

die 8 mensis Aprilis, anno 1916, in hac Urbe, sacro presbyteratus ordine

auctus est.

Pater Antonius a Iesu Maria (Salútregui Uribarren), sacerdos professus

Ordinis Sanctissimae Trinitatis, in oppido Guernica y Luno, intra fines Vic-

toriensis dioeceseos, die 5 mensis Februarii, anno 1902, natus est, biduoque

post lustrali sacri fontis aqua expiatus est. Die 3 mensis Maii, anno 1923, ex

perpetua votorum formula sacrum inivit sodalicium; die autem 29 mensis

Maii, anno 1926, Servo Dei Emmanuele Basulto, Episcopo Giennensi, manus

imponente, ad sacros ordines promotus est.

Frater Stephanus a Sancto Iosepho (Barrenechea Arriaga), professus

Ordinis Sanctissimae Trinitatis, in oppido Elorrio, intra fines Victoriensis

dioeceseos, die 26 mensis Decembris, anno 1880, natus est, eodemque die

baptismatis sacramento regeneratus est. Die vero 20 mensis Maii, anno

1909, in asceterio Apparitionis Deiparae Virginis (Bien Aparecida vulgo

Hispani dicunt), perpetuis nuncupatis votis se sacro sodalicio addixit. Hic,

cum in carcere, in quem deductus erat, aegrotare incepisset, in Asylum Par-

varum Sororum Senum Derelictorum, quod interea valetudinarium factum

erat, traductus indeque postea in carcerem remissus, tandem die 12 mensis

Septembris, anno 1936, immolatus est.

Increbrescente ergo martyrii fama, qua sex hi Servi Dei apud fidelium

coetum floruerunt, in Curia Civitatis Regalensis, ab anno 1993 ad annum

1995, Inquisitio dioecesana est instructa; cuius vim haec Congregatio de

Causis Sanctorum ratam habuit per Decretum die 16 mensis Novembris,

anno 1996, latum. Positione confecta, Consultores Theologi, cum die 3 mensis

Februarii, anno 2010, in Peculiarem, qui dicitur, Congressum convenissent,

sua favorabilia vota emiserunt. Purpuratorum Patrum et Antistitum coetus,

in Sessione Ordinaria quae die 19 mensis Maii, anno 2011, gesta est, cui

praefui ego Angelus Cardinalis Amato, audita relatione Exc.mi P. D.ni An-

tonii Stankiewicz, Episcopi titulo Novapetrensis, Causae Ponentis, declaravit

praedictos Dei Servos propter suam fidelitatem erga Christum et Ecclesiam

martyrium tulisse.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de