Congregatio de Causis Sanctorum 529

MATRITENSIS -VALENTINA -ONUBENSIS

Beatificationis et Canonizationis Servi Dei Iosephi Mariae Garcı́a Lahiguera,

Archiepiscopi Valentini Fundatoris Congregationis Sororum Oblatarum a Christo

Sacerdote (1903-1989)

DECRETUM SUPER VIRTUTIBUS

« Ego sum vitis, vos palmites. Qui manet in me, et ego in eo, hic fert

fructum multum, quia sine me nihil potestis facere » (Io 15, 5).

Verbum Iesu, qui discipulos in intimam et constantem communionem

cum seipso evocat, singulari ac mira evidentia Servi Dei Iosephi Mariae

Garcı́a Lahiguera vitae et spiritualitatis itinere personat: qui, enim, in

praesentia Domini ex laeta conscientia se pusillum in ipsius manibus esse

instrumentum vixit, pastor navitati suae missionariae fuit fidelis de disiecto

grege colligendo semper summopere sollicitus et vitam degit simplicem

humilemque continua oratione et assidua paenitentia suffultam.

Servus Dei die 9 mensis Martii anno 1903 in vico Fitero in Navarra regione

Hispaniae, intra fines Dioecesis Turiasonensis, natus est e familia Christiana

pietate et doctrina penitus informata. Cum iam inde a pueritia signa voca-

tionis ad sacerdotium percepisset et desiderium statum clericalem amplec-

tendi familiae ostendisset, parentum consensu, dum undecimum aetatis age-

bat annum, Seminarium minore Tudelense ingressus est et, ab anno 1915,

Matritum cum familia demigratus, studia apud Seminarium principii urbis

Hispaniae perseveravit usque ad ordinationem presbyteralem, die 29 mensis

Maii anno 1926 celebratam.

Paucis post mensibus, Servus Dei navitatem pastoralem inivit acceptis

muneribus magistri et praefecti studiis in Seminario Matritensi, necnon cap-

pellani communitatis religiosae. Eodem tempore, facultatem quoque Iuris

Canonici apud Pontificiam Universitatem Studiorum Toletanam frequentare

incepit, in qua titulum doctoris anno 1928 adeptus est. Anno 1932 officium

spiritualis moderatoris iuvenum Seminarii minoris sumpsit et, anno 1936,

bello civili in Hispania incepto ac persecutione contra Ecclesiam grassante,

alumnorum quoque Seminarii maioris.

Vita Servi Dei amaris funestisque adiunctis penitus enitet belli, in quo

etiam in extremum sese offerens discrimen omni studio subreptivae sacerdo-

tum et Seminarii alumnorum opitulationi vacavit, quos ferocia iniuriaque