13. De ss. Simone et Iuda.

1 a. Plausu cordis iubilaeo
Iubilemus omnes Deo,
Simoni qui et Thaddaeo
Stolas dedit gloriae.

1b. Ad gentem qui contumacem
Missi divam ferunt pacem,
Collustrantes hanc per facem
Scintillantis gratiae.

2 a. Mentes harum bestiales
Ritusque mutant brutales,
Plures Christi iugo tales
Subdendo feliciter.

2 b. Tanta post praecelsa mira

Fera saevae gentis ira

Sanctos nece finit dira

Saeviens atrociter.

3 a. Duces tales et pastores
Nostros sua prece mores
Corrigant et nos ad fores
Caeli vehant curiae,

3 b. Ut in caeli ierarchia

Cum turma sanctorum dia
Voce concinamus pia
Carmina laetitiae.