Acta Apostolicae Sedis - Commentarium Officiale492

19. Pater Iacobus Llach Candell, qui, in vico Torelló prope Barcinonem

die 1 mensis Octobris anno 1878 natus, professionem religiosam anno 1900

emisit et, anno 1905 presbyteratu auctus, Barcinone una cum supradicto

fratre Raymundo comprehensus et in carcerem Sancti Eliae coniectus mor-

tem occubuit.

20. Pater Raymundus Oromi Sullà, qui, in vico Salàs de Pallars prope

Illerdam die 16 mensis Septembris anno 1875 natus, professionem religiosam

anno 1894 emisit et, anno 1900 presbyteratu auctus, Barcinone die 26 mensis

Aprilis anno 1937 comprehensus, cum sacerdos esset, et in carcerem Sancti

Eliae coniectus, interemptus est.

Hi omnes, sacerdotes scilicet sicut et religiosi et iuvenis laicus, vitam

degebant exemplarem, oratione et firma fide suffultam, suae institutioni

atque apostolatui conformem. Omnes, vero, martyrii adiuncta iam experien-

tes, parati erant et prompti ad fidelitatis Christo suaeque vocationi testimo-

nium praebendum martyrium amplectentes.

Quorum Servorum Dei martyrii fama progressa est et praestitit

apud Institutum eorumque familias et amicos. Quapropter apud Curiam

Archiepiscopalem Barcinonensem, a die 15 mensis Martii anno 1995 ad diem

29 mensis Ianuarii anno 1996, Inquisitio dioecesana super martyrio Servo-

rum Dei acta est, cuius auctoritas et vis iuridica a Congregatione de Causis

Sanctorum decreto diei 14 mensis Februarii anno 1997 probatae sunt. Posi-

tione confecta, iuxta suetum morem, die 30 mensis Septembris anno 2009 et

die 22 mensis Iunii anno 2010, Congressus Peculiares Consultorum Theolo-

gorum facti sunt, in quibus prospero cum exitu disceptatum est an Servorum

Dei mors verum martyrium fuisse. Patres Cardinales et Episcopi in Sessione

Ordinaria quam ego, Card. Angelus Amato, praesedi die 7 mensis Februarii

anno 2012 habita, audita relatione Excellentissimi ac Reverendissimi Domini

Iusti Mullor Garcia, Archiepiscopi titularis Volsiniensis, Causae Ponentis,

agnoverunt supradictos Servos Dei ob fidelitatem erga Christum et Ecclesiam

confessam verum martyrium passos esse.

De hisce omnibus rebus, referente infrascripto Cardinale Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Iacobi Puig Mirosa et XIX Sociorum, e

Congregatione Filiorum Sacrae Familiae Iesu, Mariae et Ioseph, in casu et ad

effectum de quo agitur.