Congregatio de Causis Sanctorum 493

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Maii a.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci

Archiep. tit. Mevaniensis, a Secretis

TREVIRENSIS

Beatificationis et Canonizationis Servae Dei Aemiliae Engel, ex Instituto Saeculari

Sororum Marialium de Schönstatt (1893-1955)

DECRETUM SUPER VIRTUTIBUS

« Benedicatur Divina Providentia in vita mea. Et glorificentur opera mi-

sercordiae Dei et Matris Dei ».

Verba haec, e Servae Dei Aemiliae Engel testamento deprompta, summa

eiusdem indolis et spiritualitatis protestantur capita, consensum scilicet eius

in Dei voluntatem actuosamque in ipsius rationum participationem semper

promptum, qui filialis eius divinae Providentiae manibus oblationis est

signum.

Serva Dei die 6 mensis Februarii anno 1893 in vico Husten nata est.

Quarta ex duodecim filiis, ruri habitavit, sub lare et in orbe fervida catholica

pietate funditus informatis. Post scholam primariae institutionis frequenta-

tam, ut magistra fieret flagravit studio et, licet pecuniariis difficultatibus

gravata, anno 1914 titulum magistrale adepta est. Magisterium in vico Grim-

linghausen incepit et dein in vicum Börnig-Sodingen translata est. Idoneam

mox educatricem se exhibuit, sedulam, maternam et simul, egenissimorum

praesertim curam habentem, in certiorem benignioremque vitam christianam

apertius intentam.