5. De Spiritu sancto.

1. Ave, sancte spiritus,

Omnium creator,
Mundo missus caelitus

Boni inspirator,
Mihi sis paraclitus,

Hoc est consolator,
Ne causam interitus

Mihi det temptator.

2. Ave, qui visibili

Datus es figura
Virtute mirabili

Dona praestans plura,
A me miserabili

Fuga nocitura,
Culpas insolubili

Ne solvam usura.

3. Ave, qui apostolis

In lingua donaris,
Nam benignos incolis

Hisque delectaris,
Angelis ne subdolis

Iungar et avaris,
Me iunge caelicolis,

Quibus conversans,

4. Ave, nubis lucidae

Qui geris figuram,
Aestuantem cupidae

Mentis fuga curam,
In me carnis luridae

Exstingue usuram,
Caritatis fervidae

Mihi dans culturam.

5. Ave, qui discipulis

Appares ut ignis
Sedendo in singulis

Eorum te dignis,
Ne me liget vinculis

Satanas malignis,
Me caelorum populis

Admisce benignis.