6. In Nativitate Domini.

1. Ave, verbum eructatum

De corde altissimi,
Verbum Dei Deo natum,

Fontis occultissimi,
De caelo venisti, datum

Muneris largissimi,
Mei absterge peccatum

Cordis iniquissimi.

2. Ave, verbum, quod propnetae

Voce pangunt varia,
Advenisti mihi laete,

Praesta beneficia,
Non me peccatorum rete

Circumdet miseria,
Sed da mihi laudare te

Cum cordis laetitia.

3. Ave, verbum incarnatum

Ex Maria virgine,
Non de carnis iure natum

Sed sancto spiramine,
Intuere me gravatum

Reatus ligamine,
A quo redde liberatum

Me in tuo nomine.

4. Ave, verbum arto multum

Conclusum praesaepio,
Pauperum non regum cultum

Cur ibi conspicio?
Hoc totum propter me stultum

Esse factum sentio,
Praebe ergo tuum vultum

Mihi, qui hunc sitio.

5. Ave, verbum revelatum

Devotis pastoribus,
Nam sermone delicatum

Faris cum simplicibus,
Ne contemnas vulneratum

Me multis criminibus,
Sed locum mihi beatum

Confer cum caelestibus.