7. In Epiphania Domini.

1. Ave, Iesu, gentium

Currunt ad te reges,
Nam salus es omnium

Et nullius eges,
Per te mihi dulcium

Morum detur seges
Et tutum praesidium

Contra mortis leges.

2. Ave, Iesu parvule,

Cunctorum corona,
Cui Tharsis et insulae

Reges ferunt dona,
Ut nullae me maculae

Culpae foedent, dona,
Nec ad crimen crapulae

Mea mens sit prona.

3. Ave, Iesu Domine,

Ex Maria natus,
In Iordanis flumine

Qui es baptizatus,
Cunctis pro peccamine

Cunctorum es datus,
Tuo sim iuvamine

De culpis mundatus.

4. Ave, Iesu, nuptias

Accedens vocatus,
Supplere inopias

Es ibi dignatus,
Dele neglegentias

Meas et reatus,
Da virtutum copias

Mei miseratus.

5. Ave, Iesu efficis,

Qui de aqua vinum,
Per posse hoc sufficis

Facere divinum ;
Eia, si me reficis,

Tuum intra sinum
Da laudis multiplicis

Ut intrem caminum.