Acta Apostolicae Sedis - Commentarium Officiale498

ut eos ad humanam condicionem et ad christianam formationem pro-

moveret.

Apud scholam Iesu Crucifixi humiliter assedit singulis personis corpore et

spiritu patientibus, et omnibus servus, amicus, fraterque factus est. In tri-

bulationibus providam Dei manum videns, docuit morbum fortiter oppetere,

sensus repudiationis et rebellionis et desperationis superare, inquietudinem et

angustias vincere, et ita ad fiduciam et ad spem se aperire.

Illis enim annis Servus Dei novit Beatum Franciscum de Posadas, O.P.,

qui fuit eius confessarius, de cuius licentia stipem in diversis dioecesibus

Hispaniae quaeritare perrexit qui necessitatibus infirmorum valetudinarii

subveniret. A Spiritu Sancto gratiam obtinuit ut fieret testis credibilis fidei,

fons serenitatis omnibus eum adeuntibus, securitas languentium et haesitan-

tium moderator. Verbum eius, simplex ac profundum, duriores quoque ani-

mos penetrabat, et franciscali mansuetudine omnes ad conversionem horta-

batur. Indefessus in opere Evangelizationis, genuinus apostolus factus est in

suo ambitu, et amabiliter subridens, insidias et mendacia dissipare potuit.

In hoc circulo hospitalario extremos septemdecim vitae annos transegit.

Anno 1690 graviter aegrotavit et, sacro solacio refectus, nocte diei 24 mensis

Iulii eiusdem anni placide pieque in Domino obdormivit.

Increbrescente eius sanctitatis fama, a die 12 mensis Martii anno 1760 ad

diem 4 mensis Aprilis anno 1776 apud Curiam Ecclesiasticam Cordubensem

instructus est Processus Ordinarius Informativus, quem apud eandem Cu-

riam secutus est Processus Apostolicus a die 15 mensis Iunii anno 1818 ad

diem 2 mensis Aprilis anno 1819. Horum iuridica validitas approbata est per

Decretum Congregationis de Causis Sanctorum editum die 27 mensis Octobris

anno 1995. Exarata Positione, disceptatum est, ut de more, de virtutibus

Servi Dei heroico in gradu exercitis. Die 7 mensis Novembris anno 2000

habita est Sessio Consultorum Historicorum; deinde, positivo quidem cum

exitu, die 12 mensis Novembris anno 2011 actus est Congressus Peculiaris

Consultorum Theologorum. Purpurati Patres et Episcopi die 19 mensis Iunii

anno 2012 in Sessione Ordinaria congregati, cui egomet, Angelus Card. Ama-

to, praefui, audita relatione Ponentis Causae, Exc.mi D.ni Edmundi Farhat,

Archiepiscopi tit. Bybliensis, agnoverunt Servum Dei in exercendis theolo-

galibus, cardinalibus eisque adnexis virtutibus heroicum attigisse fastigium.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno