Congregatio de Causis Sanctorum 499

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Christophori a

Sancta Catharina (in saec.: Christophori Fernández Valladolid), Presbyteri et

Fundatoris Congregationis et Nosocomii Iesu Nazareni in urbe Cordubensi

Hispaniae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 28 mensis Iunii a.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

VENETIARUM

Beatificationis et Canonizationis Ven. Servi Dei Lucae Passi, Sacerdotis dioecesani

Fundatoris Congregationis Sororum Magistrarum a Sancta Dorothea (1789-1866)

DECRETUM SUPER MIRACULO

Venerabilis Servus Dei Lucas Passi die 22 mensis Ianuarii anno 1789

Bergomi natus est et biduo post ad regenerationis fontem ductus. Firmam

christianam institutionem recepit a nobilibus piisque parentibus et a patruo

presbytero. Adhuc adulescens Seminarium Bergomense ingressus est, ubi

universum cursum praeparationis evasit ad sacerdotium, quo die 13 mensis

Martii anno 1813 auctus est. Biennio post ordinationem Collegio Apostolico

se adscripsit ac simul actuosum navumque munus incepit praedicationis, quo

dimidium fere saeculum districtum est: tridua, novemdiales, exercitia spiri-

tualia, missiones ad populum quadragesimales omnes circiter per urbes Ita-

liae, bonos multos adipiscens fructus, concionatus est. Peculiarem navitatem

in infantibus iuvenibusque erudiendis atque instituendis profudit, quaprop-