Congregatio de Causis Sanctorum 501

acta est, cuius auctoritas et vis iuridica ab hac Congregatione Decreto diei

7 mensis Maii anno 2010 probatae sunt. Acta dein collecta examini et iudicio

Dicasterii Medicorum Collegium subiecta sunt, quod in Sessione diei 13

mensis Octobris anno 2011 una voce ac sententia diagnosim tumoris maligni

iam progressi et gravitatem prognosim infirmae sane comprobavit atque

excessum tumoris cystici inexplicabilem secundum hodiernam scientiam

medicam fuisse affirmavit. Die 18 mensis Februarii anno 2012, Congressus

Peculiaris Consultorum Theologorum prospero cum exitu factus est ac, die

19 sequentis mensis Iunii, Sessio Ordinaria Patrum Cardinalium et Episco-

porum, cui egomet ipse Angelus Cardinalis Amato praefui, Ponente Causae

Eminentissimo ac Reverendissimo Domino Francisco Cardinale Monterisi, et

in utroque coetu sive Consultorum sive Cardinalium et Episcoporum, posito

dubio an de miraculo divinitus patrato constaret, responsum affirmativum

prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servi Dei Lucae Passi, Sacerdotis dioecesani et Fundatoris Congregationis

Sororum Magistrarum a Sancta Dorothea, videlicet de celeri, perfecta ac constanti

sanatione Sororis Brunae Mariae Ghidelli a « cistocarcinoma in necrosi

dell'ovaio sinistro ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 28 mensis Iunii a.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis