13. In Conceptione BMV:

1. Ave, virgo, regia

De stirpe concepta,
Plura es praeconia

Prae cunctis adepta,
Fac, ut Dei omnia

Expleam praecepta
Et ipsi obsequia

Mea sint accepta.

2. Ave, sine vitio

O virgo beata,
Nam tua conceptio

Omnibus est grata,
Ora, ut temptatio

Carnis in me nata
Tuo patrocinio

Quiescat sedata.

3. Ave, Sion filia,

O gemma pudoris,
Es concepta, gaudia

Ut gignas honoris,
Elongans flagitia

Vilis a me moris
Confer exercitia

Vitae sanctioris.

4. Ave, florens lilium,

Rosa sine spina,
Concepta es, omnium

Ut sis medicina,
Mibi in auxilium,

O dulcis, festina,
Aufer culpae lolium

Dans virtutum vina.

5. Ave, quae conciperis

Mundo ad solamen,
Nullum quia praeteris

Habentem gravamen,
Conregnem ut superis,

Mihi da iuvamen
Et Deo, quo frueris,

Tecum fruar. Amen.