Acta Apostolicae Sedis - Commentarium Officiale504

annos vitae eam comitantibus, quod ab ipsa aequa spe conscia mortem ei

« exsultationem in brachia Patris » fore acceptum est.

Eodemque fervore Mater Ferdinanda caritatem erga proximum vixit,

quem adeo sinceritate ac benigno obsequio suo dilexit, ut pueri, pauperes,

aegroti et egenissimi semper essent ipsi praeoptatissimi, cum - uti testes

quidam professi sunt - «Christum videret in omnibus, qui auxilium eius

expeterent ».

Nec minore fervore coluit virtutes, praesertim prudentiam, quae eam fecit

Mahimi laudatissimam magistram et praesidem, necnon moderatricem Uni-

versitatis Studiorum Alleppeyensis, habens ob sua erga quemquem iustitiae

sinceritatisque et reverentiae viscera, omnium admirationem. Exercitio

etiam fortitudinis inde ab infantia sua acerbis doloribus proscissa iam per-

cultae fulsit, qua comite, difficultates et aerumnas suscepit vitae missionariae

perarduis ac vero hostilibus saepius in adiunctis. Laeto ac prompto animo

praecepta evangelica agitavit. Omnem strenua vitam vixit temperantia, pri-

mum familiae suae ob incertas pecunias, dein selectam propter evangelicam

paupertatem, quam ipsa praecipuum habuit testimonii sui missionarii

pignus. Semper oboediens fuit superioribus, in quibus ipsam voluntatem

Dei conspexit, ad quam omnibus viribus vergebat, cor suum virginaliter

indivisum pro Christo servans et tanta animi tranquillitate expromens, ut

«Missionaria Laetitiae » nuncuparetur.

Ultimas Alleppeyi consumpsit vires fidenter adversus tumorem stomachi

dimicans, cuius causa die 22 mensis Ianuarii anno 1956 mortem occubuit,

dum vix tricesimum sextum aetatis annum agebat, alicuius tristem recorda-

tionem ac desiderium religiosae dulci et levi risu semper suffultae et servitio

pauperum pro amore Dei eminentis omnibus reliquens.

Qua vivente, iam eiusdem pervulgatis virtutibus, sanctitatis fama Servae

Dei valde apud populum crebruit viguitque post mortem. Quam ob rem

Episcopus Alleppeyensis rogavit, ut Causa Beatificationis et Canonizationis

iniretur, quam inter annos 1994 et 1998 Curia Archiepiscopalis Bombayensis

incepit per celebrationem Inquisitionis dioecesanae et per celebrationem Pro-

cessus Rogatorialis Archidioecesis Mediolanensis, a qua Serva Dei oriunda

erat, quorum auctoritas et vis iuridica a Congregatione de Causis Sanctorum

Decreto diei 10 mensis Februarii anno 2000 probatae sunt. Positione confecta,

die 17 mensis Septembris anno 2011, in Congressu Peculiari Consultorum

Theologorum prospero unanimique cum exitu disceptatum est, iuxta consue-

tudinem, an Serva Dei in gradu heroico virtutes Christianas exercuisset.