17. In Assumptione BMV.

1. Ave, o christifera

Florens virga Iesse,
Quae ascendis sidera

Ad aeternum esse,
Cum sint ad fructifera

Meae manus fessae,
Asta mihi prospera

In finali messe.

2. Ave, mundi domina,

Cunctorum regina,
Scandens super culmina

Astrorum festina,
Sis contra peccamina

Mihi medicina,
Ne peccati sarcina

Sit mihi ruina.

3. Ave, virgo humilis,

Quae sic scandis sursum
Super caelos agilis

Tuum tendens cursum,
Memor, o amabilis,

Esto mei rursum,
Veni, nam sum labilis,

Mihi in succursum.

4. Ave, virgo virginum,

Quae transis dersertum
Super caelos terminum

Ponens tibi certum,
Da mihi, qui ominum

Ducor per incertam,
Locum apud Dominum

Et virtutis sertum.

5. Ave, virgo, proxima

Quae es tuae proli,
Sessio haec optima

Datur tibi soli ;
Ergo, O dulcissima,

Spernere me noli,
Mea tecum anima

Sit in arce poli.