Congregatio de Causis Sanctorum 507

num nodis animis exsolvendis impense vacavit. Quod vero eos incendit, qui-

bus christianae fidei incrementum admodum videbatur infestum. Proinde,

Devasahayam Pillai primum quod avitam destituerit religionem ac regem

prodiderit accusatus est, dein a magistratibus regni interrogatus ac demum,

die 23 mensis Februarii anno 1749, in custodiam traditus. Per triennium fere

aliunde alio loco traductus est et ante oculos omnium crudeliter excruciatus,

cum spem hostes incubarent exemplum eius, si fidem forte rectractavisset,

aliis christifidelibus documento fore et novas exstincturos conversiones.

Tempus hoc vera ipsi fuit praeparatio ad martyrium, quod Servus Dei certa

fide et firma fortitudine oppetere valuit.

Die 14 mensis Ianuarii anno 1752, in monte Kattadimalai plumbis inter-

emptus est. Corpus eius in silvam carnifices abiecerunt insepultum, quod

belvae devorarent, sed exuvias pii christifideles quidam reppererunt et ante

altare maius maximae ecclesiae missionariorum xaverianorum, quae nunc

cathedralis est Dioecesis Kottarensis, sepelierunt.

Statim loca Servi Dei vitae et morti coniuncta meta praecipua peregrina-

tionum adeo facta sunt, ut plurimi interiorum regionum vici innumerarum

ad catholicam fidem conversionum fuerunt testes. Nomen Devasahayam a

multis christifidelibus in dicione Tamil Nadu degentibus etiamdum eligitur.

Martyrii eius et sanctitatis fama, versuum sermonumque decore honestata,

admodum floruit et in dies in animis populi sive christifidelium sive alieno-

rum in India crevit. Vividae, insuper, consuetudines e continenti genere

traditae adhuc exstant, quae ad eiusdem pertinent conversationem.

Duobus amplius transactis saeculis, quibus pluries opus processum

beatificationis seu declarationis martyrii instituendi conatum est, sicuti ex

relatione Visitae ad Limina Apostolorum anno 1756 peracta, apud Curiam

Episcopalem Kottarensem, a die 3 mensis Iulii anno 2006 ad diem 7 mensis

Septembris anno 2008, causa super asserto martyrio canonice inita est per

celebrationem Inquisitionis dioecesanae, cuius auctoritas et vis iuridica a

Congregatione de Causis Sanctorum Decreto diei 18 mensis Martii anno

2010 probatae sunt. Positione confecta, iuxta suetum morem, die 15 mensis

Novembris anno 2011, Congressus Peculiaris Consultorum Historicorum

factus est et, die 7 mensis Februarii anno 2012, Congressus Peculiaris

Consultorum Theologorum, prospero cum exitu. Patres Cardinales et Episco-

pi in Sessione Ordinaria quam ego, Card. Angelus Amato, praesedi die 8

mensis Maii anno 2012, audita relatione Eminentissimi Domini Card. Pauli