Congregatio de Causis Sanctorum 509

QUEBECENSIS

Beatificationis et Canonizationis Servae Dei Mariae a Sacro Corde (in saec.: Mariae

Iosephae Fitzbach), Fundatricis Ancillarum a Corde Immaculato Mariae v. d. So-

rorum a Bono Pastore « de Quebec » (1806-1885)

DECRETUM SUPER VIRTUTIBUS

« Piissimum Deum omni tempore dilexi; maximo vero gaudio gavisa sum,

quod facerem ut Ipse diligeretur ».

Sic locuta est Maria a Sacro Corde (quae, dum saeculo viveret, Maria

Iosepha Fitzbach), Dei Ancilla, paucis diebus antequam decessit; quibus

dictis ipsa et suae vitae curriculum et suae lineamenta pietatis plane atque

efficaciter illustravit. Haec enim, mira in Deum accensa caritate, non modo

constanti nisu Domino obsecuta est, sed humillime eaque summa oboedientia

ac spe referta, exauditis Ecclesiae mundique necessitatibus, praefulgida fidei

caritatisque documenta reliquit.

Haec Dei Ancilla, die 16 mensis Octobris, anno 1806, in pago, quem vulgo

Saint-Vallier-de-Bellechasse Canadienses appellant, ex modice locupleti nata

familia, mox patre orbata est. Inde a pueritia, quamvis litterarum ignara,

utpote quae in nullum prorsus ludum itasset, eximio tamen sensu religionis

enituit. Cum enim catecheticae in paroecia institutioni impigre interfuisset,

ferventissime acceptis sacramentis, ad instruendos ingenio minus praeditos

pueros, ad sacram synaxim primum accessuros, parochum adiuvit. At quarto

decimo aetatis anno, una cum matre ac fratribus in urbem Quebecum immi-

grare coacta, cum ibi coepisset ut famula operam dare, ebriosos, meretrices

hominesque violentos cognovit, adeo ut miserandam prorsus eorum in populo

condicionem pro explorato haberet.

Sedecim vero annorum puella, quippe quae ab omnibus iampridem fida

existimaretur, apud Franciscum Xaverium Roy, pecuniosum negotiatorem

patremque familias, servire coepit, ibique ad universam domus administra-

tionem, sive negotia tueretur, seu infirmae dominae assideret an erilem

prolem educaret, aptissima exstitit. Quae, cum interea prima elementa didi-

cisset, etiam eximia pietate magnisque precibus animum expolivit: nam prae-

ter quam quod sacris cotidie intererat, ipsa etiam ad beneficia se conferebat.

Cum autem dominus, anno 1828, amissa coniuge, sibi eam in matrimonium

petiisset, Maria Iosepha, probante magistro pietatis, uxoriam condicionem