Acta Apostolicae Sedis - Commentarium Officiale510

accepit. Ex eo tempore singularis exempli coniunx fuit ac deinceps tres filias

peperit. Matrimonium tamen quinquennium tantum perduravit: cum enim

vir, longo morbo confectus, anno 1833, decessisset, eius propinqui prioris

coniugii prolem et bona ex testamento vindicarunt. Itaque Dei Ancilla,

una cum flliabus derelicta eaque inops facta, victus quaerendi causa duos

ferme annos serviit ut magistra domus apud Rev.mum D.num Michaelem

Dufresne, parochum vici Saint-Gervais-de-Bellechasse, qui inter alia eius ani-

mi moderator factus est. Anno autem 1843, piissimo sacerdote vita functo,

domum relinquere coacta, aliis servire habuit. Insuper anno 1846 minimam

natu filiam amisit, quod quidem magnum denuo ei dolorem attulit. Tribus

vero post annis, cum superstites filiae apud Quebecenses Sorores Caritatis in

novitiarum tirocinium admitterentur, Maria Iosepha, sacrum idem sodali-

cium inire, quamvis hoc postulasset, non sita, apud suae urbis asceterium

hospitio accepta est.

Mense vero Decembri, anno 1849, Quebecensis Archidioeceseos Admi-

nistratore petente, haec Dei Ancilla suscepit regimen instituti mulieribus e

custodia dimissis meretricibusque culpa liberandis, quod Georgius Manly

Muir, Vicentianus sodalis, condiderat. Itaque mense Ianuario, anno 1850,

Magdaleniani Asyli initium factum est. Opitulante enim Hibernia adulescen-

tula, Dei Ancilla, eodem anno, non solummodo mulieres, quae auxilium

petitum principes advenerant, sed etiam adulescentulas sex accepit, quae

quidem sese illi ad adiuvandum obtulerunt. Itaque, procedentis operis causa,

institutum in ampliorem sedem, in vico quodam eius urbis, translatum est,

ibique princeps omnium ludorum pauperibus pueris instituendis inauguratus

est. Interea Maria Iosepha eiusque sodales, quippe cum famosis potissimum

feminis adiuvandis (quae Gallice dicuntur femmes de mauvaise vie) sese

Domino mancipare statuissent, coniunctiorem aliarum cum aliis vitam

firmarunt.

Anno autem 1855, nomine Quebecensis Asyli a Bono Pastore, publicam

quoque laudem id opus obtinuit. Die vero 2 mensis Februarii, anno 1856, cum

sorores quaedam, votis ad tempus nuncupatis, se sacro sodalicio principes

addixissent, idem a Famulabus Immaculati Cordis Mariae Peccatorum Re-

fugii nomen cepit. Postridie summa moderatrix ad triennium creata est haec

Dei Ancilla; quae, quamvis suscepto munere, tamen sibi conscia erat semet

doctrina parum imbutam esse, ita ut reliquis deinceps suffragiis postularet ne

id sibi munus continuaretur. Etenim donec vixit, licet primum ut novae

adiutrix Antistitae, deinde ut dispensatrix studia praestaret, maluit sese