Congregatio de Causis Sanctorum 511

« neglegendam », « pro nihilo habendam » (sicuti de se ipsa dictitabat) precibus,

pietati, oboedientiae tradere. Cum tamen sorores eam sodalicii parentem

omni tempore agnoscerent, quaecumque ipsa monebat, ea summo studio

summaque observantia audiebantur.

Quibus omnibus rebus haec Dei Ancilla divinae providentiae consiliis

utique obsecuta est, utpote quae paternam Domini dexteram in rebus

cotidianis animadverteret. Eadem vero e creberrima Augusti Sacramenti

adoratione robur sumpsit quo ipsa amoris, bonitatis summaeque misericor-

diae Sacratissimi Cordis Iesu auctor esset. Praeterea Beatae Mariae Virginis

exemplo, quam ipsa filiali pietate colebat, humilis ac patiens fuit, suarum

virium moduli haud inscia, aliis benefaciendi studiosa. Congregationem,

quam ipsa condidit cuique ipsa princeps praefuit, fortitudine imbuit ac

suavitate. Denique exemplo studioque multis virginibus persuasit ut sese

Domino devoverent, tenuioribus humiliter inservientes.

Ineunte anno 1885, dum sodalitas externum institutum primitus condere

molitur, haec Dei Ancilla improviso gravius aegrotavit. Sanguinis autem

congesta primum in pulmones, deinde in cerebrum etiam atque etiam

ingruente, Kalendis Septembribus, eodem anno 1885, Quebeci sanctissime

obdormivit.

Ob increbrescentem sanctitatis opinionem in Archiepiscopali Curia

Quebecensi, anno 1994, Inquisitio dioecesana est instructa; cuius vim haec

Congregatio de Causis Sanctorum ratam habuit per Decretum die 16 mensis

Decembris, anno 1994, latum. Positione confecta, die 9 mensis Maii, anno

2000, Historici Consultores sederunt; deinde vero more tralaticio disceptatum

est num haec Dei Ancilla christianas virtutes, easque heroico in gradu, exer-

cuisset. Die autem 17 mensis Decembris, anno 2010, habitus est, favorabili

quidem cum exitu, Congressus Peculiaris Consultorum Theologorum. Purpu-

ratorum Patrum et Antistitum coetus, in Sessione Ordinaria, quae die 17

mensis Aprilis, hoc anno 2012, gesta est, cui praefui ego Angelus Cardinalis

Amato, audita relatione Exc.mi D.ni Edmundi Farhat, Archiepiscopi titulo

Byblensis, Causae Ponentis, agnovit hanc Dei Ancillam theologales, cardina-

les iisque adnexas virtutes, et eas quidem heroico in gradu, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-