Congregatio de Causis Sanctorum 513

PANORMITANA

Beatificationis seu Declarationis Martyrii Servi Dei Iosephi Puglisi, Sacerdotis

dioecesani ({ 1993)

DECRETUM SUPER MARTYRIO

«Non omnis, qui dicit mihi: "Domine, Domine", intrabit in regnum cae-

lorum, sed qui facit voluntatem Patris mei, qui in caelis est » (Matth 7, 21).

Opus in mundo, actuositas pastoralis ac praesertim caedes Servi Dei

Iosephi Puglisi discordiam inter habitum fictae devotionis et gravitatem

intimae vividaeque participationis fidei summopere exhibent et perstringunt.

Servus Dei die 15 mensis Septembris anno 1937 Panormi in Sicilia natus

est intra fines insulae tantae urbis, cui nomen v. d. Brancaccio. Anno 1953

Seminarium ingressus est et, cursu studiorum perfecto, die 2 mensis Iulii

anno 1960 presbyteratu auctus. Multis praecipuisque apud paroecias et

dioecesim oneribus sive in eadem sicula regione sive in Italica patria triginta

annos navam dedit operam: anno 1961, creatus est vicarius cooperator

paroeciae Sanctissimi Salvatoris in insula panormitana v. d. Settecannoli et

rector ecclesiae Sancti Ioannis Leprosorum, necnon, anno 1967, cappellanus

Instituti «Roosevelt » pro orphanis et cooperator vicarius paroeciae Beatae

Mariae Virginis in caelum Assumptae in vico Valdesi; inter annos 1970 et

1978 parochus fuit ecclesiae Beatae Mariae Virginis Immaculatae in civitate

Godrano; vice praeterea functus est rectoris Seminarii Archiepiscopalis Mino-

ris atque officia moderatoris Circuli pro Vocationibus primum dioecesani,

dein Regionalis, atque membri Consilii Presbyteralis exercuit. Multas susci-

tavit consociationes laicorum, uti « Praesentiam Evangelii » illam, Actionem

Catholicam, Foederationem Alumnorum Universitatum Studiorum Catholi-

corum Italicorum, Coetum «Domina Nostra » intra moenia Domus Beatae

Mariae Virginis ab Acceptione et puellis quoque mulieribusque lapsis seu

laboratis admodum cavit. Apud scholas religionem docuit et Circuli Natio-

nalis pro Vocationibus fuit consultor, necnon Seminarii Maioris Panormitani

moderator spiritualis.

Die 29 mensis Septembris anno 1990, electus est parochus Sancti Caietani

et Beatae Mariae Virginis a Divino Amore intra fines insulae suae natalis,

ubi, praeter commune opus pastorale, missiones instituit ad populum, necnon

institutionum theologiae, rudimentorum scripturae exercitationisque ad