Acta Apostolicae Sedis - Commentarium Officiale514

voluntarium servitium pro bono proximi lectiones. Una cum Sororibus

Pauperum a Sancta Catharina Senensi Circulum «Pater Noster » fulsit, mense

Ianuarii anno 1993 inauguratum, pro sociali christianaque institutione

puerorum iuvenumque fere derelictorum provehenda, qui iamdiu facilissima

criminum flagitiosaeque malae vitae plebis praemia et scelesta facti erant

mancipia. Coram loci plurimis atque inveteratis societatis, mentis et protinus

condicionum sanitatis defectibus, scholam secundariam inferiorem, necnon

parvum medicabulum et bibliothecam aperiendi Servus Dei authoritatibus

civilibus subiecit necessitatem.

Si vitae eius conspicitur summam, presbyteralis admodum eminet ani-

mus, quem ipse tamquam ministerium erga Deum hominesque et officium

ad Verbum dominicum, Magisterium Pontificum et Pastorum Ecclesiae

Consilia fideliter instructum intellexit. Actuosa vita spiritualis vera vis ope-

rationis fuit eius et spei omnis fons saliens. Apostolatus, quem Servus Dei pro

sociali christianoque populi Dei provectu gessit, ardenti caritate pastorali

suffultus videtur et, cum intimius ipse instituta ac rationes adfecisset

hominum, quorum valuit intellectum rerum reformare, opera eius signum

et consecutio fidei exstiterunt. Omnia experiri, ut scelera contemnerentur

eruerenturque improborum criminalium conspirationum, quae italica voce

«mafia » nuncupantur, inter proposita ei fuit constanti cura contingenda:

per informationem animi praeceptis virtutibusque evangelicis accommoda-

tam ac divino Verbo, plenae conversionis vitae fonti, sustentatam animos et

corda paroecianorum omnium excudere quaesiit, praesertim eorum qui a

pietatis muneribus aberravissent. Abhinc laudatum indefessumque studium

obices omnes populi ei commissi provectui expediendi per catechesim largiter

ac copiose traditam, per exemplum vitae orationis, benignam per ammi-

nistrationem sacramentorum, necnon sedulam Verbi Dei revocationem, quod

ipse non modo ex pulpito protestabatur, sed, tamquam verus missionarius

praeco, ubicumque efflagitaretur. Proinde, Servus Dei substantialiter presby-

ter tantummodo fuit, cuius persollicite pro regno Dei aedificando atque im-

proborum paenitentia conversioneque eniti praecipuum erat ministerium:

quam ob rem, nullomodo eum decet formula « inimici plebis conspiratorum »

nuncupari.

Iuge hoc eius Evangelii praeconium praeter oculos civium nequebat

improborum malae vitae opera sane curare fallenda, qui, dum Christi sese

habebant et proclamabant fideles, ad mentem fidei moribusque Christi om-

nino contrariam ita agebant, ut quoscumque perimerent, qui eorum consiliis