27. De sancta Agnete.

1. Gaude, sponsa Christi, Agna,
Quae mundi transisti stagna

Dulci cum constantias
Gaude, quod, cum nudabaris,
Crine magis tegebaris

Quam amictus gloria.

2. Gaude, quod in lupanari
Te non permisit foedari

Angeli custodia;
Gaude, per te suscitatur
Tuus sponsus, qui necatur

Satanae nequitia.

3. Gaude, quod flammam urentem
Vicisti, te non nocentem,

Salvatoris gratia ;
Gaude quod transgutturata
Et cruore laureata

Mercaris caelestia.

4. Gaude, quod perdendo mortem
Invenisti vitae sortem

Felici victoria ;
Gaude, Christo sociata,
Duc nostra delens peccata

Nos ad caeli gaudia.