28. De sancto Ambrosio.

1. Ave, praesul optime,

Felix o Ambrosi,
Pastor beatissime

Gregis numerosi,
Actus mihi pessimae

Carnis sint exosi,
Placeant potissime

Actus virtuosi.

2. Ave, stella fulgida,

Lucens toti mundo,
Verba spargens florida

Sermone facundo,
Opera per lurida

Quia me venum do,
Da, ut spernam morbida

Facta corde mundo.

8. Ave, qui haereticis

Sectis adversaris,
Contra quas catholicis

Doctrinis armaris,
Non subdar fanaticis

Actibus amaris,
Sed coniungar caelicis

Civibus praeclaris.

4. Ave, qui ecclesiae

Multos prodis fructus,
Ad hoc dono gratiae

A Deo conductus,
Satanae nequitiae

Fraude sum seductus,
Contra hunc laetitiae

Fac ut fundam luctus.

5. Ave, cleri gloria,

Salus laicorum,
Te laudat ecclesia

Carmine sanctorum,
Da, ut spernam noxia

Cuncta vitiorum
Et gaudens ad gaudia

Vadam gaudiorum.