29. De sancto Andrea.

1. Ave, o sancte Andrea,

Mca tu fiducia,
Crucifixum ab Aegea

Te laudat Achaia,
Assiste mihi, letea

Ut evadam otia,
Et flagret semper mens mea

Ad devota studia.

2. Ave, qui ex corde crucis

Optasti suspendium,
Filius ut fiam lucis,

Praebe adiutorium,
Vincam tua prece ducis

Tenebrarum gladium,
Tutus ero, si conducis

Me ad palmae bravium.

3. Ave, qui vadis festine

Ad crucis supplicia,
Praesta gratiae divinae

Mihi beneficia,
Stem volenter sine fine

In Christi militia,
Nulla fraudis Sataninae

Me laedat malitia.

4. Ave, crucis sine mora,

Qui scandis patibulum,
In quo biduana hora

Docuisti populum,
Me duc ad salutis fora

Per murrae fasciculum,
Ut detur a Deo, ora,

Vitae mihi epulum.

5. Ave, qui crucis tropaeo

Iungeris caelestibus,
Peccatori mihi reo

Tuis assis precibus.
Asta praesto fini meo

Cum supernis civibus,
Post mortem regnem cum Deo

Aeternis temporibus.