Acta Apostolicae Sedis - Commentarium Officiale522

est approbata. Exarata Positione, disceptatum est secundum normas, an

Servus Dei heroum in modum virtutes excoluisset. Die 28 mensis Octobris

anno 2011, positivo cum exitu, habitus est Congressus Peculiaris Consulto-

rum Theologorum. Patres Cardinales et Episcopi in Sessione Ordinaria, me

Card. Angelo Amato praesidente, die 15 mensis Maii anno 2012, audita rela-

tione Causae Ponentis, Card. Francisci Arinze, declaraverunt Servum Dei

heroum in modum excoluisse virtutes theologales, cardinales et annexas.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Petri Ioannis

Fultonii Sheen, Archiepiscopi tit. Neoportensis, olim Episcopi Roffensis in

America, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 28 mensis Iunii a.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis