33. De sancto Bartholomaeo.

1. Ave, o Bartholomaee,

Felix lumen Indiae,
Aures praebe voci meae,

O doctor egregie,
Opem confer menti reae

Meae et nefariae,
Ne derideant leteae

Me inferni bestiae.

2. Ave, qui humilitate

Et sub veste nitida
Flores et exilitate,

Mente gaudes vivida,
Praesta, mens ne vilitate

Fiat mea livida,
Sed sit sub frugalitate

Et virens et florida.

3. Ave, cruci conclavatus

A viris malitiae,
Tua prece liberatus

A culpis nequitiae,
Christo iungar connodatus

Clavo paenitentiae,
Iam non laedat incolatus

Me mundi miseriae.

4. Ave, cum nudaris pelle,

Fulges patientia,
A me vetera propelle

Longius flagitia
Et festine me compelle

Ad cuncta felicia,
De caelesti petrae melle

Me cibando satia.

5. Ave, capite truncatus

Qui caelos ingrederis,
Stola vitae decoratus,

Da, nam dare poteris,
Ut a pelle renovatus

Per te vitae veteris
Tibi vivam sociatus

In pace, qua frueris.