Congregatio de Causis Sanctorum 523

RUREMUNDENSIS

Beatificationis et Canonizationis Servi Dei Ludovici Tijssen, Presbyteri Dioecesani

(1865-1929)

DECRETUM SUPER VIRTUTIBUS

« Omnia pro Deo ».

Hoc praeoptatissimum Servi Dei Ludovici Tijssen fuit elogium, qui revera

vitam Bono Pastori aemulando reddidit, ut Dominus ab omnibus amari

posset.

Servus Dei die 1 mensis Novembris anno 1865 natus est in civitate

Guesta, quae notum erat emporium Neerlandiae. Quintus ex novem filiis,

dum octavum agebat aetatis annum, patre orbatus est. Matri filiis educandis

domoque gerendae admodum iam vacanti industria viri functi etiam fuit

excipienda, qui agricola, frumentarius et seminum fuerat mercator. Quae

negotia autem sustentandae ita valuerunt familiae, ut nullo paeculiari incom-

modo illis annis viveret. Anno 1879, Servus Dei, schola primi institutionis

gradus exacta, Helidum apud patruum Ioannem Hubertum Jacobs, presby-

terum atque eiusdem vici parochum, migravit. His in adiunctis primordia

vocationis ad vitam in Christo paulatim emerserunt. Nam, anno 1882, Semi-

narium Minus Rolducense ingressus est, in quo sive fruges scholae optimas

meritus est sive filialem pietatem erga Virginem Deiparam praebuit: Congre-

gationi Sanctissimae Virginis ab Immaculata Conceptione, enimvero, cuius

dein etiam Praefectus factus est, atque Sodalitati Sacratissimi Cordis et

Sanctae Marialis Coronae se ascripsit. Postea, in Seminarium Maius Rure-

mundense ingressus, itinere institutionis perfecto, die 6 mensis Aprilis anno

1889, presbyteratu auctus est.

Primum ei munus magistri in Seminario Minore commissum est. Et

propter mansuetudinem, benignitatem et iucunditatem indolis sive discipu-

lorum sive collegarum aestimationem sibi conciliavit et pietatem. Anno 1898,

Praefectus ipsius renuntiatus Seminarii, ubi quadringenti circiter alumni

hospitabantur, officia sua miro studio, praecipua sollicitudine enixaque spi-

rituali conversatione multum temporis orationi impendens perseveravit ac

peculiarem devotionem erga Sanctissimum Sacramentum, Sacratissimum

Cor Iesu et Beatam Mariam Virginem maxime ostendit.