36. De sancto Blasio.

1. Ave, victor maxime,

Blasi, praesul bone,
Pugnans vincis optime,

Martyr, in agone,
Meae salus animae

Sis subventione,
Consors ut sanctissime

Tuae sim coronae.

2. Ave, qui egregia

Fulsisti doctrina,
Quae multis eximia

Fuit medicina,
Propter mea vitia

Non a me declina,
Sed ob te me gratia

Foveat divina.

3. Ave, qui in carceris

Artaris horrore,
Ubi plura pateris

Pro Dei amore,
Salvum fac a veteris

Culpae me foetore
Me exornans operis

Boni dulci more.

4. Ave, qui in flumine

Mergendus iactaris
Et pro Christi nomine

Capite inuitaris,
Solve me de crimine

Precibus praeclaris,
Ut in caeli lumine

Sim cum Dei caris.

5. Ave, qui sideream

Intras regionem
Augens caeli auream

Congregationem,
Evadam tartaream,

Fac, ut passionem
Et tecum sideream

Sumam mansionem.