37. De sancta Caeeilia.

1. Ave, o Caeeilia,

Tota speciosa,
Candes, ut si lilia

Sint iuncta cum rosa,
Contemnis sublimia

Et imperiosa,
Eligis humilia

Magis, gratiosa.

2. Ave, quae ab impiis

Nimis aversaris,
Nam obscaenis nuptiis

Tu non delectaris,
Sed piis in studiis

Tota conversaris,
Hinc caeli deliciis

Digne satiaris.

3. Ave, decens viola,

Flos humilitatis,
In me nunquam viola

Fidem caritatis,
Dele facta frivola

Meae pravitatis,
Ne damnatae incola

Fiam civitatis.

4. Ave, sponsa sedula

Almi redemptoris,
Tua prece iacula

Vincam temptatoris,
Non me fuscet macula

Ultra pravi moris,
Succende me facula

Divini amoris.

5. Ave, in hoc saeculo

Rosa sine spina,
In mortis articulo

Accurre festina,
Mihi tuo famulo

Assistens vicina,
Et in Iesu lectulo

Me tecum reclina.