Sermo III .

Millia millium ministrabant si, et decies millies centena millia assistebant ei, Danielis septimo .

Hic ostenditur Angelorum triplex perfectio et duplicis officii exsecutio. Primum intelligitur in verborum differentiis: per millenarium numerum notatur perfectio gloriae: per centenarium, gratiae; per denarium, naturae. Per verbum ministrabant ostenditur ministerii exsecutio: per assistebant, contemplationis fmitio. Sed omnibus praetermissis, notandum est, quod Angeli sunt Deo acceptabiles ministri ratione intelligentiae vel sagacitatis, munditiae

vel honestatis, obedientiae vel promptitudinis. Haec enim tria faciunt ministrum idoneum, scilicet sagacitas in discernendo, honestas in ministrando, promptitudo in exsequendo.

De primo, Proverbia : Acceptus est regi minister intelligens. Sunt enim integimentes,.quia vident supra se semper faciem Patris luminis, quia extra se comprehendunt omnia sine collatione, et sine successione omnia simul ; unde intellectus eorum differt a nostro sicut simplex a suo composito et punctus a linea: item, quia omnia retinent intra se sine oblivione.

Isti autem sic intelligentes sunt Dei ministri ad nos illuminandum: sed eorum illuminationem (non) capiunt malitiosi, praesumluosi, obstinati. De primo, Sapientia : In malevolam animam non introibit sapientia. De secundo, Apocalypsis: Dicis, quod dives sum et locupletatus et nullius egeo, et nescis, quia tu es miser et miserabilis et pauper et caecus et nudus. De tertio, Psalmus: Noluit intelligere, ut bene ageret: item, similis aspidi surdae etc.

Secundo, sunt etiam Deo acceptabiles ministri ratione miMitiae et honestatis: unde ad nos mittuntur, ut mundemur ; Psalmus : Qui facis Angelos tuos spiritus et ministros tuos ignem urentem. Et notandum, quod dicuntur spiritus per substantiae puritatem; Angeli, per officii exsecutionem: ignis, per doni sublimitatem. Debemus autem mundari in affectione, detestando peccata: in locutione, detestando turpiloquia: in conversatione, fugiendo mala exempla. De primo, Ecclesiasticus ?: Ab omni delicto munda cor tuum: de secundo, Isaias: Tetigit hoc labia tua, et auferetur iniquitas tua: de tertio, Apostolus: Mundemus nos ab omni inquinamento carnis et spiritus, perficientes sanctificationem in timore Dei.

Item, sunt ministri Deo acceptabiles ratione promptitudinis obedientiae; Psalmus : Benedicite Domino, omnes virtutes eius, qui facitis voluntatem eius. Faciunt autem voluntatem Dei respectu eius quod est supra, scilicet se elevando ad Dei laudem: respectu eius quod est iuxta, se dilatando per dilectionem. respectu eius quod est infra, se humiliando per ministerii exhibitionem.