Acta Apostolicae Sedis - Commentarium Officiale528

mensis Martii anno 1943, Processus Informativus Suppletivus apud Vicaria-

tum Urbis et, a die 14 mensis Iulii anno 1950 ad diem 28 mensis Novembris

anno 1952, Processus Apostolicus semper Neapoli habitus, quorum auctoritas

et vis iuridica a Congregatane de Causis Sanctorum die 23 mensis Maii

anno 1997 probatae sunt. Positione confecta, die 18 mensis Februarii anno

2011, in Congressu Peculiari Consultorum Theologorum prospero cum exitu

disceptatum est, iuxta consuetudinem, an Servus Dei more heroum virtutes

Christianas exercuisset. Patres Cardinales et Episcopi in Sessione Ordinaria

diei 8 mensis Maii anno 2012, cui egomet ipse Angelus Cardinalis Amato

praefui, audita relatione Excellentissimi ac Reverendissimi Domini Ambrosii

Spreafico, Episcopi Frusinatensis-Verulani-Ferentini, Causae Ponentis,

professi sunt Servum Dei virtutes theologales, cardinales iisque adnexas in

modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico Servi Dei Xysti Riario

Sforza, Archiepiscopi Neapolitani et Sanctae Romanae Ecclesiae Cardinalis,

in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 28 mensis Iunii a.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis