Sermo IV.

Angeli eorum semper vident faciem Patrii, Matlhaei decimo octavo .

In his verbis ostenditur duplex officium Angelorum : primum est hominibus ministrandi, cum dicitur: Angeli eorum: secundum, Dominum contemplandi, sive Deo assistendi, ibi: semper videm faciem Patris.

1. Videamus de primo: Angeli dicuntur nostri propter tria, quae ministrant nobis, scilicet remedia, exempla et beneficia.

Tria sunt remedia contra tria mala, quae ex peccato contrahimus: ad malum pronitas, ad bonum difficultas, a Deo longinquitas: et quidem pronitas facit labiles, difficultas debiles, sed longinquitas exsules.

Primum remedium ministrat Raphael, qui interpretatur medicina Dei. Nam curavit Tobiam a caecitate et Saram, Raguelis filiam, a daemonis iniquitate , Tobiae undecimo et octavo. Nam, ut dicit Augustinus, " duo inflicta sunt nobis ex peccato, scilicet ignorantia rerum agendarum et concupiscentia noxiarum: ex quibus duobus pronitas ad malum inest nobis et difficultas " etc. Ignorantia ergo caecitas mentis est, daemonis iniquitas infestans concupiscentia est. In cura ergo caecitatis Tobiae ostenditur medicamentum (ignorantiae et in cura Sarae medicamentum ) concupiscentiae, quae vicit (eos) qui occidebantur a daemone; suggestione daemonis volebant abuti Sara contra legem matrimonii, et ideo accipiebat postmodum daemonium potestatem in iUos et occidebat illos, Tobiae sexto . Curavit autem eos corde piscis et felle; unde Tobiae sexto dicitur: Cordis eius particulam si super carbones ponas, fumus eius extricat omne genus daemoniorum. Fel valet ad ungendos oculos, in quibus fuerit albugo, et sanabuntur.

Secundum remedium ministrat Gabriel, qui interpretatur fortitudo Dei, quia facit fortes contra difficultatem. Sumus enim difficiles ad duorum bonorum observantiam, scilicet preceptorum et consiliorum ; et ideo Gabriel mittitur ad annuntiandum nativitatem praecursoris Christi nascituri secundum legem matrimonii, Lucae primo , et (ad) annuntiandum nativitatem Christi de Virgine nascituri, Lucae primo. In observantia ergo legis matrimonii intelligitur observantia praecepti; in observantia virginitatis intelligitur observantia consilii: ad quae duo roborat Gabriel et confortat.

Tertium remedium ministrat Michael, qui interpretatur Quis ut Deus. Nam sua. ministratio praesentes animas Deo facit, sicut cantatur de.ipso quod "introducit animas in paradisum exsultationis ". Ideo Angelus, qui volebat educere de exsilio Babylonis usque in Ierusalem, dicit Danielis decimo: Nemo est adiutor meus in omnibus his nisi Michael, princeps

vester. Et hoc sonat nomen eius Quis ut Deus, quasi dicat: quis est tam desiderandus ut Deus? Et propter hoc implet desiderium servorum Dei, qui desiderant praesentem habere Deum: Danielis duodecimo: In tempore autem illo consurget Michael, princeps magnus, qui stat pro filiis populi tui. - Et quia contra praedicta tria mala indigemus tribus remediis, ideo tres Angelos solum ex nomine designat sacra Scriptura, scilicet Raphaelem, Gabrielem et Michaelem.

Exempla autem, quae ministrant nobis, sunt in quadruplici genere virtutis, scilicet reverentiae quoad superius, munditiae quoad suum interius, concordiae quoad suum exterius, clementiae quoad inferius. - Primum ergo exemplum est reverentiae ad Deum: Apocalypsis septimo : Omnes Angeli stabant in circuitu throni et ceciderunt in conspectu throni in facies suas et adoraverunt Deum. Et istud exemplum est imitandum a fidelibus, praecipue in ecclesia et Sacramento altaris: Psalmus: Adorabimus in loco, ubi steterunt pedes eius.

Secundum est munditiae ad se ipsos, quia Angeli sunt puri et mundi ; sicut dicit Dionysius , Angelus est "imago Dei manifestativa luminis occulti, speculum purum, immaculatum, incontaminatum et incoinquinatum de quo dicitur Lucae vigesimo: Illi vero, qui digni habebuntur saeculo illo et resurrectione ex mortuis, neque nubent neque ducent uxores. Aequales enim Angelis sunt et filii sunt Dei: et Malthaei vigesimo secundo similiter dicitur. Et propter hoc Angelus libenter venit ad virginem tanquam amator puritatis: Hieronymus : " Semper est Angelis cognata virginitas". Unde beata Agnes: "Mecum enim habeo custodem corporis mei, Angelum Domini". - Tertium est concordiae unius ad alterum; Iob vigesimo quinto : Potestas et terror apud eum est, qui facit concordiam in sublimibus suis. Sublimes Angeli sunt Dei, inter quos de sui sublimitate non est discordia, pia minor non invidet maiori, nec maior molestat minorem, nec par, aequalem; Lucae secundo: Facta est cum Angelo multitudo militias caelestis laudantium Deum et dicentium: Gloria in Altissimis Deo, et in terra pax hominibus bonae voluntatis.

Quartum est clementiae ad hominem: nam non dedignantur ad pauperem venire leprosum: Lucae decimo sexto : Faetum est, ut moreretur mendicus et portaretur ab Angelis in sinum Abrahae: Lucae decimo quinto: Gaudium erit coram Angelis Dei super uno peccatore paenitentiam agente. Et ideo qui peccant quodam modo curiam caelestem turbant: Isaiae trigesimo tertio : Angeli pacis amare flebunt.

Beneficia vero sunt quinque, soilicet sanctificationis, illustrationis, protectionis, inflammationis, generalis custodiamus. - Primum ergo beneficium (est) sanctificationis sive mundationis: unde Angelus Seraphim missus est ad mundandum labia Isaiae; Isaiae sexto : Volavit ad me unus de Seraphim, et in manu eius calculus, quem forcipe tulerat de altari, et tetigit os meum et dixit: Ecce, tetigit hoc labia tua, et auferetur iniquitas tua, et peccatum tuum ^mundabitur. - Secundum est illustrationis: nam illuminant nos ad cognitionem veritatis tam de paenis reproborum; Apocalypsis decimo septimo: Venti unus de septem Angelis, qui habebant septem phialas, et locutus est mecum dicens: Veni, ostendam tibi damnationem meretricis magnae; quam de gtoria Sanctorum: Apocalypsis vigesimo primo: Venit unus de septem Angelis et locutus est mecum dicens: Veni, et ostendam tibi sponsam, uxorem Agni, et ostendit mihi civitatem sanctam Ierusalem.

Tertium est inflammationis: nam Angeli inflammant nos in amorem Dei; Psalmus : Qui facis Angelos tuos spiritus et ministros tuos ignem urentem.

Quartum est protectionis sive defensionis; nam defendunt nos ab infestationibus daemonum: Psalmus: Immittet Angelus Domini in circuitu timentium eum et eripiet eos: Actuum duodecimo: Nunc scio vere, quia misit Dominus Angelum suum et eripuit me de manu Herodis et de omni exspectatione plebis Iudaeorum. - Quintum est generalis cusloditionis; nam generales custodes sunt animarum Angeli: Psalmus ?: Angelis suis Deus mandavit de te, ut custodiant te in omnibus viis tuis: Tobiae decimo: Angelus Domini sanctus sit in itinere vestro perducalque vos incolumes, et inveniatis omnia recte circa parentes vestros.

Tria ergo remedia et quatuor exempla et quinque beneficia supradicta, quae fiunt, significantur per duodecim millia signatorum de qualibet tribu duodecim tribuum filiorum Israel, quos signavit Angelus ascendens ab ortu solis, qui habebat signum Dei vivi, Apocalypsis septimo.

II. Videamus de secundo officio Angelorum, quod est Deum contemplari: et hoc officium tripliciter prouenit (?): et primo, iu Dei faciem semper intuitum figendo, ut in praemissa auctoritate dicitur: Angeli eorum semper vident faciem Patrii: primae Petri primo : In quem desiderant Angeli prospicere. - Secundo, in Dei maiestati semper assistendo: Lucae primo: Ego sum Gabriel, qui asto ante Deum: Danielis septimo: Millia millium ministrabant ei, et decies millies centena millia assistebant ei. -

Tertio, in divinam bonitatem semper laudando, uti dicit Ioannes Damascenus , quod " officium Angelorum est Deum semper hymnis laudare"; Iob trigesimo octavo: Ubi eras, cum me laudarent simul astra matutina et iubilarent omnes filii Dei? Laudate. Dominum, omnes Angeli eius: laudate eum, omnes Virtutes eius. Rogemus Dominum etc.