41. De sancta Elisabeth.

1. Ave, regis filia,

Elisabeth dia,
Quae post Marthae studia

Facta es Maria,
Huius mundi dubia

Ne fallar in via,
Me duc ad caelestia

Tua prece pia.

2. Ave, quae ad pauperes

Eras liberalis,
Es facta, ut vinceres

Mundum, pauper talis,
Ne sequar degeneres,

Sed sim spiritalis,
Mihi fructus uberes

Da Christi sub alis.

3. Ave, quae saturitas

Dei es vocata,
In te lucet puritas

Vitae, o beata,
Fugiat me vanitas

Tua prece grata,
Per te mihi sanctitas

Praestetur optata.

4. Ave, dulce speculum

Morum honestorum,
Christi tabernaculum,

Mater egenorum,
Ora, ne prostibulum

Sim iam vitiorum,
Sed sim receptaculum

Omnium honorum.

5. Ave, quae virtutibus

Florebas et signis
Obvians spiritibus

Virtute malignis,
Da, sanctis ut moribus

Ardeam ut ignis,
Post haec in caelestibus

Iungar Deo dignis.